Je tao̱n xi kjimachjén nga tíbʼabíson je Énle Niná jngo tjíjtsa Sonʼnde kui xi tsjoá je testigole Jeobá jotjín nroajin ni̱ma̱le. a Ya Ndʼia jñani chotʼayaijin tjío je kaxa̱ jña ma satíoya tao̱n. Kʼoa ya página xi tíjnanajin ya Internet nkjín koya faʼaitʼa josʼin koa̱n kʼoee je tao̱n. Koaan tsakui xá kʼoaiñá nga tosi tonda katafison je Énle Niná kʼoa tsa kuije̱ nga ya katamachjén ya Ndʼia jña chotʼayaijin.

 Je testigole Jeobá alikui kʼoaʼmile jotjín tao̱n tsjoá kʼoa alikui diezmo tsjoá (2 Corintios 9:7). Kʼianga biyojtínjin alikui tao̱n sʼeña. Kʼoa alikui machjíle je xi chjota kanísʼenngindá kʼoa tsa jeje̱ xi tsjoá kjoanokjoaya kʼianga tjín xi mʼe kʼoa tsa tjín xi bixan. Alikui tsojmi batenaijin kʼoa alikui rifa nʼiaijin tojoni nga tao̱n koa̱nxkónajin. Kʼoa alikui tao̱n nijésuinjin. Alikui bʼaxki̱ je jaʼaínle xi tsjoá tao̱n kʼoa alijña sʼetʼaxo̱n (Mateo 2-4). Je página xi tjíonajin ya Internet nijmejin xi faʼaitʼa tʼatsʼe chjota xi tjín xi baténa.

 Ngatsʼi je jtín bʼéndaa je informe jñani sʼetʼa jotjín tao̱n faʼasʼen kʼoa jotjín feya nga xki̱ sá kʼoa yaa bʼaxki̱ nga satíonajin kjoajtín.

•   Kaxa̱ jña satíoya tao̱n: Koaan ya sa̱tíoya je tao̱n kʼoa tsa cheque ya kaxa̱ xi tjío ya ndʼia jña chotʼayaijin, ya jña satíonajin kjoajtíntse kʼoa tsa jñasani jña biyojtínjin.

•   Koaan ya Internet ni̱kasénñá tao̱n: Tjín naxinandá jñani ma kui nichjén je página xi tíjnanajin jñani “Mena tsjoanganʼioa nga tosi tonda katafison je Énle Niná” tso, kʼoa ma nga tarjeta de crédito kʼoa tsa tarjeta de débito nichjén nga nikasén tao̱n. b Tjínkʼa testigole Jeobá xi kʼoasʼin bʼéndajin nga xki̱ sá katatjotʼa choa̱ tao̱n xi tíjnaya tarjetale (1 Corintios 16:2).

•   Kʼiáni mená kʼoee tao̱n: Sakʼoaa machjén nga nda sʼendajin josʼin tsjoá tao̱n je chjota kʼoa sakʼoaa jngo licenciado machjén xi binyakao tsa xo̱n sʼe̱nda. Nʼio nkjín mani xi je naxinandále Niná síkatíole tao̱n xi tjínle ninga sʼa tjíokon kʼoa tsa maije̱ kʼoatso nga tsʼe koa̱n naxinandále Niná kʼianga jekuiyá. Tsa meli jchasai xi tʼatsʼe jebi koaan tinókjoai ya betel ánni kʼoakʼuínnili jme xi sʼiain tsakui kʼoai:

  •   Tao̱n xi sʼejna ya banco

  •   Seguro xi tjínle chjota kao tao̱n xi bʼaile nga ma jubilar

  •   Jmeni xi tjínle je chjota

  •   Testamento xi síkájna jngo chjota

 Tsa mesali jchai xi tʼatsʼe jebi ya tisennelai jñani tso “Mena tsjoanganʼioa nga tosi tonda katafison je Énle Niná”.