Пістің тоғызыбыс Иегованың киречілерінің тайығларының сылтаанда иділче. a Тайығларны пістің чыылысчатхан орыннардағы харчахтарзар саларға чарир алай «Тайығлар» тіп страницада кӧзіділген хайдағ-да пасха оңдайларнаң ызарға чарир. Полған на кізі чир-чалбахтағы кирекке, ол чуртапчатхан орындағы ӧмее алай пасха даа нимелерге тайыға саларға ба, чох па позы пӧкче.

 Иегованың киречілері десятина тӧлебинчелер. Нинҷе-де ахча алай парыстың хайдағ-да чардығын пирерге киректелбинче (2 Коринфтегілерге 9:7). Пістің чыылығларыбыста ахча чығбинчалар. Андар кірер ӱчӱн, кіреске тӱзер ӱчӱн, кізіні чыыр ӱчӱн, той иртірер ӱчӱн, пасха религиознай службалар иртірер ӱчӱн ахча албинчалар. Піс пір дее ниме сатпинчабыс, ярмаркалар, лотереялар, фестивальлар, обедтер паза пасха даа мероприятиелер иртірбинчебіс паза ахча тілен чӧрбинчебіс. Тайығ пирчеткен кізінің ады искірілбинче (Матфей 6:2—4). Пістің сайттарда паза публикацияларда реклама чоғыл.

 Иегованың киречілерінің полған на ӧмезінде ай сай пір хати финансовай отчет итчелер. Ол отчетты полған на кізее истіп аларға чарир. Тайыға пирілген ахча орта хорадылчатханын кӧрер ӱчӱн, полған на ӧмеде ахча хайди хорадылчатханы сыныхталча (2 Коринфтегілерге 8:20, 21).

•   Тайығ салҷаң харчахтар. Тайығны ахчанаң алай чектернең пирерге чарир. Ахчаны алай чектерні Иегованың киречілерінің залларында, Конгресстер залларында алай пістің чыылығларыбыс иртірілчеткен пасха орыннарда ӧнетін турғызылған харчахтарзар саларға чарир.

•   Онлайн-тайығлар. Кӧп хазналарда «Иегованың киречілеріне тайығлар» тіп страницанаң тузаланарға чарир. Ол страницада кредитнай алай дебетовай карталарнаң, банковскай переводнаң алай сайтта пазылған пасха даа оңдайларнаң тайығлар идерге чарир b. Иегованың пірее киречілері ай сай нинҷе-де ахча тайыға саларға пӧгін алчалар. Тайығ салҷаң оңдайларның пірсінең тузаланып, ахча позы ла тайыға парар иде ит салчалар (1 Коринфтегілерге 16:2).

•   Азынада тимнелген тайығлар. Пірее тайығлар идер алнында, чахсы сағынып аларға кирек алай юридическай консультация кирек. Іди азынада сағынып алғаны пірее хазналарда налоговай льготаларнаң тузаланарға оңдай пирче. Кізі хазых туста пирілчеткен алай, ӱреп парған соонда, аның тайии кемге пирілерінеңер информация кӧп кізее полыс пирген. Сірер пірее оңдайнаң тайығ идерге хынчатсар, ол тайығны хайди идерге піліп алар ӱчӱн, сірер чуртапчатхан хазнаның ӱчӱн нандырығлығ Иегованың киречілерінің филиалынаң палғалызып алыңар:

  •   банковскай вкладтар,

  •   страховка ахчазы,

  •   недвижимость

  •   акциялар паза аарлығ чаҷыннар,

  •   завещание паза договор доверительного управления имуществом.

 Сірернің хазнаңарда хайдағ тайығлар идерге чарирынаңар піліп алар ӱчӱн, «Иегованың киречілеріне тайығлар» тіп страницаны кӧріңер.