El pondo que ta usa para suporta con el diamon trabajo predicacion amo estaba na maga voluntario donacion del maga Testigo de Jehova. a Tiene maga cajon de contribucion na maga lugar onde kame ta man miting y otro maga manera para dale donacion que puede mira online na page Maga Donacion. Puede dale donacion para suporta con el diamon trabajo na entero mundo, para na maga gasto del local congregacion o para na ese dos proposito.

 Gendeh ta pidi con el maga Testigo de Jehova que dale diez por ciento o dale cuanto especifico cantidad o por ciento del diila sueldo. (2 Corinto 9:7) Gendeh kame ta colecta sen na diamon maga miting y gendeh tambien kame ta manda paga para na bautismo, intierro, casamiento o otro maga servicio. Gendeh kame tan fundraising, igual ta vende maga comida y otro cosas, ta hace bingo, feria, raffle o otro pa maga actividad que semejante con este o ta man solicit para na maga donacion. Gendeh tambien kame ta manda conoce con otro si quien ta dale donacion. (Mateo 6:2-4) Nuay tambien advertisement el diamon maga website y publicacion.

 Cada mes, el cada congregacion del maga Testigo de Jehova ta dale financial report na diila maga miting y puede se sabe el publico. Regular ta chequia con el maga record del accounts del cada congregacion para asigura que ta usa enbuenamente con el maga donacion.​—2 Corinto 8:20, 21.

•   Cajon de contribucion: Puede tu hace cae sen o cheque na maga cajon de contribucion na maga Kingdom Hall, Assembly Hall o otro lugar donde ta hace el diamon maga miting.

•   Online donacion: Na manada nacion, puede tu usa con el page “Dale Donacion na Maga Testigo de Jehova” para dale donacion por medio na credit card, debit card, bank transfer y otro electronic manera. b El cuanto maga Witness ta decidi ‘esconde cuanto cantidad’ cada mes para man schedule automatico donacion usando el uno de este maga manera.​—1 Corinto 16:2, El Nuevo Testamento na Chavacano.

•   Plañao donacion: El cuanto na maga manera para dale donacion necesita plaña adelantao y/o un legal advice. Por medio de ese, puede tu beneficia na maga tax benefits que tiene na de ustedes nacion. Manada individual el ya beneficia cay ya sabe sila acerca na maga charitable gift que puede hace mientras vivo pa sila o cumpli lang si muerto ya el un persona. Para na mas informacion, man contact con el branch office del maga Testigo de Jehova na de ustedes lugar si quierre tu dona por medio de:

  •   bank account

  •   insurance y retirement plan

  •   real estate

  •   stock y bond

  •   will y trust

 Para na mas informacion acerca na maga manera de donacion que puede hace na de ustedes lugar, mira con el page “Dale Donacion na Maga Testigo de Jehova.”