Pendahin erberita si lakoken kami i sebelang doni ibiayai khususna arah sumbangen sukarela Saksi-Saksi Jahwe. a Bas perpulungen kami lit kotak sumbangen, janah adi atendu mere sumbangen alu cara si deban banci ka nenndu bas bagin Sumbangen si lit bas jw.org. Tiap kalak banci pilihna ku ja atena berena sumbangenna e. Banci sumbangkenna guna pendahin i sebelang doni ntah pe guna nutupi pengeluaren runggun, ntah banci ka duana.

 Saksi-Saksi Jahwe la iwajipken guna mereken perpuluhen. La lit itetapken asa kai si arus isumbangken kalak e arah penghasilenna. (2 Korinti 9:7) Bas perpulungen kami pe la lit kolekte. Sanga lit kalak iperidiken, acara si mate-mate, ntah pe bas acara perjabun, kalak si khotbah bas acara-acara e la perlu igalari. Labo kami ndayaken pangan-pangan, ndayaken barang-barang, erban lelang-lelang, ntah pe mindo-mindo sumbangen guna mbiayai pendahin kami. Janah gelar kalak si mere sumbangen pe la pernah iumumken kami. (Matius 6:2-4) La ka ban kami iklan bas situs web kami bage pe bas baca-bacan kami guna ndatken sen.

 Tiap bulan, kerina runggun Saksi-Saksi Jahwe ngumumken laporen keuangen bas runggunna. Perban laporen e iumumken bas perpulungen, jadi kerina kalak si reh ku perpulungen kami banci meteh kerna si e. Gelah sumbangen e banci igunaken alu mehuli, data keuangen bas tiap runggun ipereksa alu ratur.​—2 Korinti 8:20, 21.

•   Kotak sumbangen: Banci masukkenndu sen ntah pe cek ku bas kotak sumbangen si lit i bas Bale Kerajan, Bale Kebaktin, ntah pe bas ingan perpulungen kami si debanna.

•   Sumbangen online: Bas melala negara, banci berendu sumbangen alu nggunaken kartu kredit, kartu debit, transfer elektronik, bage pe cara online si debanna si lit bas bagin “Beri Sumbangan kepada Saksi-Saksi Yehuwa.” b Lit piga-piga Saksi Jahwe si enggo itetapkenna leben asa kai atena sumbangenna, alu bage banci berena sumbangen e secara otomatis tiap bulanna alu cara online.​—1 Korinti 16:2.

•   Sumbangen si irencanaken: Lit jenis sumbangen si perlu irencanaken ntah pe icakapken lebe ras penasehat hukum. Adi banndu rencana si mehuli, banci saja sumbangen si berekenndu e la kari kena pajak. Enterem kalak si tersampati perban enggo tehna uga cara mere sumbangen, janah banci ka iaturkenna gelah sumbangen si enggo irencanakenna banci erguna man organisasi Saksi-Saksi Jahwe adi ia enggo mate. Guna ndatken terbuen informasi, banci hubungindu kantor cabang Saksi-Saksi Jahwe adi atendu mereken sumbangen bas bentuk:

  •   rekening bank

  •   asuransi ras dana pensiun

  •   properti

  •   saham ras obligasi

  •   wasiat ras perwalian

 Gelah tehndu uga cara mereken sumbangen bas daerahndu banci bukandu bagin “Beri Sumbangan kepada Saksi-Saksi Yehuwa.”