¿Mi jaʼik yajtsʼaklomtak Cristo?
Jaʼ, jaʼunkutik. Liʼ oy junantik sprevailtak ti chakʼ ta ilele:
Chkakʼkutik persa stsʼakliel li Cristoe xchiʼuk chkakʼkutik persa yakʼel ta jkuxlejalkutik li chanubtaseletik laj yakʼ komele (1 Pedro 2:21).
Jchʼunojkutik ti tsots skʼoplal li kʼusi la spas Jesús sventa jta jkolelkutike, «
yuʼun muʼyuc bu yan xuʼ ta jtatic coltael; muʼyuc bochʼo yan albil scʼoplal yuʼun Dios liʼ ta banamil ti xuʼ chijcolutic yuʼune
» (Hechos 4:12).Kʼalal chikʼotkutik ta stestigotak Jeovae chkichʼkutik voʼ ta sbi Jesús (Mateo 28:18, 19).
Ta jpaskutik orasion ta sbi Jesús (Juan 15:16).
Jchʼunojkutik ti skotol li viniketike jaʼ sjolik li Cristoe (1 Corintios 11:3).
Akʼo mi jech, oy kʼusitik ti jelelunkutik-o xchiʼuk li yan jtsop yajtsʼaklomtak Cristo ti skuyoj sbaike. Jech kʼuchaʼal liʼe, li voʼonkutike jchʼunojkutik ti chchanubtasvan Vivlia ti jaʼ Xnichʼon Dios li Jesuse, maʼuk ti jaʼik jun trinidade (Marcos 12:29). Jech xtok, muʼyuk jchʼunojkutik ti oy jchʼuleltik ti mu snaʼ xchame xchiʼuk muʼyuk bu chal Vivlia ti chakʼbe kastigo krixchanoetik sbatel osil ta kʼatinbak li Diose xchiʼuk muʼyuk lek chkilkutik ti tstoy sbaik li jbeiltasvanejetik ta relijion ta skoj ti yichʼoj yabtelike (Eclesiastés 9:5; Ezequiel 18:4; Mateo 23:8-10).
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Mi xchʼunojik Jesús li stestigotak Jeovae?
Naʼo kʼu yuʼun toj tsots skʼoplal chaʼiik melel yajtsʼaklomtak Cristo ti skʼan xakʼ ta ilel xchʼunel yoʼontonik ta stojolal li Jesuse.
LI KʼUSITIK TSJAKʼILANIKE
¿Kʼu yuʼun muʼyuk tstunesik krus li stestigotak Jeovae?
Akʼo mi yajtsʼaklomunkutik Cristo li stestigounkutik Jeovae muʼyuk ta jtuneskutik xchiʼuk muʼyuk chkichʼkutik ta mukʼ li kruse. Jkʼeltik kʼu yuʼun.
JKʼOPLALKUTIK
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
