Janiʼa. Ja il wa sjeʼa jujuntik jasunuk bʼa wa xya chiknajuk:

•   Wani xkʼujolantikon snochjel ja sjejel yaʼakan ja Jesús sok skʼulajel ja bʼa jsakʼaniltikon ja jasa sjeʼakani (1 Pedro 2:21).

•   Wa xkʼuʼantikon ja Jesús tini chʼikan ja yeʼn bʼa oj jtaʼ jsakʼaniltikon, pes «mey pilan bʼi‘ilal ja bʼa satkʼinal akʼubʼal yi‘ ja ixuk winik jumasa‘i bʼa oj jta‘tik ja jkoltajeltiki» (Ja ya‘teli [Hechos] 4:12, Ja yajkʼachil sju‘unil ja dyosi).

•   Yajni wala ochtikon taʼumantiʼik bʼa Jyoba, wa xkiʼajtikon jaʼ bʼa sbʼiʼil ja Jesús (Mateo 28:18, 19).

•   Wa xkʼulantikon orasyon bʼa sbʼiʼil ja Jesús (Juan 15:16).

•   Wa xkʼuʼantikon ja Jesús yeʼn olomal bʼa spetsanil ja winiki (1 Corintios 11:3).

 Pe ay jujuntik jasunuk bʼa wa xya chiknajukotikon ja keʼntikon yuja tuk kʼoleʼik wa sbʼiʼilane snochumane bʼa Kristo. Jun sjejel, kʼotelotikon snajel ja Biblia wa sjeʼa ja Jesús jani ja yunin ja Dyosi sok mi ti chʼikanuk bʼa oxe Dyos (Marcos 12:29). Chomajkil, mi wa xkʼuʼantikon ja yajni ay maʼ wa xchami ay jas wa x-el bʼa wa xkan sakʼan sok ja Biblia mi wa sjeʼa ja Dyos wa xya yiʼ wokol bʼa tolabida bʼa yoj kʼakʼ ja ixuk winiki sok mini ja olomalik bʼa relijyoniki oj sle jun xchole bʼa mas chaʼan oj ajyuke yuja tuki (Eclesiastés 9:5; Ezequiel 18:4; Mateo 23:8-10).