Kansi a Mboni za Yehova ni Akhristu?
Eee. Nise Akhristu pa vifukwa ivi:
Tuyesayesa kukonkha mosamala zeciphunzisa Yesu Khristu koma soti minkhalidwe yake.—1 Petulo 2:21.
Tukhulupilila kuti munthu angayopulumuka tyala ngati wakhulupilila Yesu, cifukwa “paliye zina iyakine m’cilengedwe conse, yamene yapelekewa kuli ŵanthu, yatufunika kupulumusiwa nayo.”—Machitidwe 4:12.
Kuti munthu ankhale Mboni ya Yehova, obatizika m’zina ya Yesu.—Mateyu 28:18, 19.
Tupemphela m’zina ya Yesu.—Yohane 15:16.
Tukhulupilila kuti Yesu ni Mutu, kapena kuti munthu wamene wapasiwa udindo, pa munthu aliyense.—1 Akorinto 11:3.
Koma, nise osiyana m’njila zinyinji na vipembezo viyakine vamene vulaŵila kuti n’vacikhristu. Mwacisanzo, tukhulupilila kuti Baibo yuphunzisa kuti Yesu ni Mwana wa Mulungu, osati Mulungu mwana. (Maliko 12:29) Tukhulupilila lini kuti munthu ali na mzimu wamene upitilizhya kunkhala na moyo akamwalila, koma soti paliye m’Baiblo poonesha kuti Mulungu onzunza ŵanthu poŵashoka ku mulilo wosazima. Koma soti tukhulupilila lini zakuti ŵanthu amene osogolela mumpingo ofunika kunkhala na mazina audindo oŵacitisha kuti akonkhala apalulu ngako kupambana ŵanthu ayakine.—Mlaliki 9:5; Ezekieli 18:4; Mateyu 23:8-10.