Ei. Kilisiɔŋnda naŋ cho ni le sabulaŋ ndaŋ amatou,

•   Ŋ kindiŋ o nɛi o nɛi niŋ le nyɛ Chiisu Kiliti pɛɛku wo a kaa ndɔɔ tolɔɔ kɔɔli.—Pitɛ Tasoo 2:21.

•   Ŋ laalaŋ maa Chiisu cho puunduleŋ ni le pioŋɔɔ sɔlaa. Diom Mɛlɛkaa dima aa, “ndu pilɛ kpe nɔla mbo piŋi nya ni. Kani fondole, Mɛlɛka yɔŋgu waŋnda chieeya diola wana cheleŋ o chieeŋndo choo kpou le mi ŋ sɔla pioŋɔɔ o ndu niŋ te, mɛɛ Chiisu.”—Walta Wanaa Chiisuaa 4:12.

•   Tuupa mi waŋndo simnuŋ Sei Chɛhowaa, o yiŋ fɛŋ o diola Chiisu laŋ niŋ.—Maatiu 28:18, 19.

•   Ŋ keeku piɛile naaleŋ o diola Chiisu laŋ niŋ.—Chɔŋ 15:16.

•   Ŋ laalaŋ maa Chiisu cho bolleŋ ni le wana pɔnɔ o wana pɔnɔ.—Kɔliŋtiaŋ Tasoo 11:3.

 Mɛɛmɛɛfee, Kilisiɔŋnde naaleŋ le cho teŋgeŋ a Kilisiɔŋnda a tuaa. Le tamaseliiyo, ŋ laalaŋ nyɛ Baabuiyo dimiyo maa po Mɛlɛkaa Chiisu cho ni, a sulaŋ nda Mɛlɛka le. (Maki 12:29) Ŋ laalaŋ maa te wana chioo vi pɛ, nyɛ o nyɛ cho ndu niŋ mbo lo achal te. Nduyɛ, laalaŋ Kilisiɔŋnda apum nɔ maa Mɛlɛka duau waŋnda o nyɛ palaa fɛɛŋ fɛɛŋ ndo niŋ ndo, Baabuiyo toolu laalaŋ koŋ te. O fula okoŋ kɔɔli, wanaa sim o dɛnɛla Mɛlɛkalaŋ lachi wa nɔ foofo nda chuaŋnuŋ ndapila maa a bɛnda ma hiau chaaŋaa ndaa le.—Ikilisiate 9:5; Ɛsikiɛl 18:4; Maatiu 23:8-10.