Jehovah Tehte Hna cu Khrihfa An Si Maw?
Kan si. A tanglei i a ruang hna ruangah Khrihfa kan si:
Jesuh cawnpiaknak le nunning kha kan si khawh chung in zulh kan i zuam.—1 Piter 2:21.
“
Vawleicung dihlak ah hin kannih khamhnak caah Pathian nih min a pekmi midang ahohmanh an um lo
” timi bia ningin Jesuh cu khamhnak hmuhnak caah a biapi bikmi a si ti kha kan zumh.—Lamkaltu 4:12.Jehovah Tehte a hung simi hna cu Jesuh min in tipil an ing.—Matthai 28:18, 19.
Jesuh min in thla kan cam.—Johan 15:16.
Jesuh cu mi vialte cungah nawl a ngeimi asiloah Lu a si ti kha kan zumh.—1Korin 11:3.
Asinain Khrihfa tiah auhmi bu dang hna he kan i dannak tete a um. Tahchunhnak ah, Jesuh cu Thumkomh pathian cheubang si lo in Pathian Fapa a si timi Baibal cawnpiakmi kha kan zumh. (Marka 12:29) A thi kho lomi thlarau a um timi kha kan zum lo, Pathian nih mi kha hell ah zungzal in a hrem hna timi zong kan zum lo. Biaknaklei hruaitu pawl kha midang nakin cawisan deuh awkah upatnak min pek an hau timi zong kan cohlang lo.—Phungchimtu 9:5; Ezekiel 18:4; Matthai 23:8-10.