Nyo Jumulembe pa Yehova gitie Jukristu?
Eyo. Watie Jukristu pi thelembe ma tung’ tung’ ma e:
Watimo kero nilubo ponji pa Yesu Kristu cuu mandha man nilubo ba tiende.—1 Petro 2:21.
Wayio nia Yesu tie yo mi both pilembe ‘nying’ mange mbe the polo, ma jumio i kind dhanu, ma waromo nwang’u both ni kume.’—Tic mi Jukwenda 4:12.
Kinde ma ng’atu moko udoko Jamulembe pa Yehova, elimo batizo i nying’ Yesu.—Matayo 28:18, 19.
Wakwayu Yehova i nying’ Yesu.—Yohana 15:16.
Wayio nia Yesu tie ng’atu ma Yehova umio ire dito iwi dhanu ceke.—1 Jukorinto 11:3.
Ento pi thelembe ma tung’ tung’, wakoc kud ungu mange mi dini ma giyero nia gitie Jukristu. Ku lapor, wayio nia Biblia ubeponjo nia Yesu tie Wod Mungu, ento etie ngo Mungu wod. (Marko 12:29; Matayo 16:16) Wayio ngo ponji ma nia dhanu tie ku ng’eong’ec ma tho ngo, wayio nia Biblia uwacu ngo lembe moko nyanok de ma copo ketho wapar nia Mungu wang’u dhanu i mac ma kuthum man wayio ngo paru ma nia jucikiri nimio nying’ mi dito ni dhanu ma gitimo tic moko i dini pi dodogi nikadhu jumange.—Eklizia 9:5; Ezekiel 18:4; Matayo 23:8-10.
Nen bende
PENJI MA DHANU BEPENJO AKECA
Nyo Jumulembe pa Yehova giyio Yesu?
Kenen nia pirang’o pire tie tek ni Jukristu mandha nia giyii Yesu.
PENJI MA DHANU BEPENJO AKECA
Pirang’o Jumulembe pa Yehova gitiyo ngo ku musalaba pi niworo Mungu?
Kadok nwang’u wa Jukristu de, re watiyo ngo ku musalaba pi niworo Mungu. Pirang’o?
WATIE JUKANI?
Pirang’o ukwayu niponjo Biblia?
Biblia udwoko wang’ penji ma dongo dongo ma dhanu milioni dupa iwi ng’om zoo gipenjiri ko iwi kwo. Nyo in de imaru ibed ng’atu acel m’i kindgi?
WATIE JUKANI?
Kway jubin juliewi
Wuwec iwi ponji mi Biblia kunoke ponj lembe lee iwi Jumulembe pa Yehova.