¡WIKʼILUK JSITIK SPISIL-ORA!
¿Bin-ora ya xlaj skʼoplal te guerraetik? | ¿Bin ya yal te Biblia?
«Ta ora ini jaʼ yorail te ya xlamaj sok ya xpejkʼaj yip te bintik ay. Yorailix te ya jnaʼtik skomel jbatik» (te bin la yal te António Guterres, te jaʼ secretario general yuʼun te Naciones Unidas, ta swenta te kʼop jajch yuʼunik te Irán sok te Israel te sábado 13 yuʼun abril 2024).
Te guerra ta Oriente Medio (oeste yuʼun Asia) ya yakʼ ta ilel te bin yak ta kʼaxel ta swolol Balumilal.
«Ta swolol Balumilal ya sitintayik wokoliletik ta skaj te guerra, kʼaxtoxan-a te bitʼil ta Segunda Guerra Mundial, sok ayniwan 2.000 millón ta tul ants winiketik yakik ta kuxinel ta lumetik te banti jinem jilel yuʼun te guerra» (Consejo de Seguridad de la ONU, 26 yuʼun enero 2023).
Ta lumetik te jinemik yuʼun te guerra tey ochem skʼoplal te Israel, Gaza, Siria, Azerbaiyán, Ucrania, Sudán, Etiopía, Níger, Myanmar sok Haití. a
¿Bin-ora ya xlaj skʼoplal te guerraetik? ¿Yabal xjuʼ ya yakʼik lamalkʼinal te ajwaliletik yuʼun te Balumilal? ¿Bin ya yal te Biblia?
Jun Balumilal te nojel ta guerra
Te guerraetik te ay ta swolol Balumilal ya yakʼ ta ilel te nopol ya xlaj skʼoplal ta jkʼaxel te guerraetik. Jich bin-utʼil ya yal te albilkʼop ta Biblia, te guerraetik ini ya yakʼ ta ilel te ayotikix ta «slajibal kʼajkʼale» (Mateo 24:3).
«Yame awaʼiyik te ay guerraetik sok yame awaʼiybeyik skʼoplal te ay guerraetik ta bayuk [...]. Yame skontrain sbaik te nacionetik sok yame skontrain sbaik te ajwaliletike» (Mateo 24:6, 7).
Kʼopona te artículo «¿Bin señail te ya yakʼ ta ilel te ayotikix ta ‹slajibal kʼajkʼal›?» swenta ya awil bin-utʼil yak ta kʼoel ta pasel te albilkʼopetik te ya yal te Biblia te swenta te guerraetik te ay ta ora ini.
Jun guerra te ya slajinbey skʼoplal ta jkʼaxel te guerraetik
Te Biblia ya yal te ya xbajt lajuk skʼoplal ta jkʼaxel te guerraetik, pero ma jaʼuk ta swenta te bin ya spas te ants winiketik, jaʼ ya xlaj skʼoplal ta swenta te Armagedón, ta guerra yuʼun te «smukʼul kʼajkʼalel te Diose, te Machʼa spisil ya xjuʼ yuʼune» (Apocalipsis 16:14, 16). Te kʼalal ya xlaj te guerra-abi, te Dios ya skʼotes ta pasel te bin jamal yaloj ta swenta te ants winiketik jaʼ te ya smulanik lamalkʼinal ta sbajtelkʼinal (Salmo 37:10, 11, 29).
Yuʼun ya anaʼbeyxan skʼoplal ta swenta te guerra yuʼun te Dios te ya xbajt slajinbey skʼoplal ta jkʼaxel te guerraetik, ilawil te artículo «¿Bin-a te Armagedón?».
a ACLED Conflict Index: «Ranking violent conflict levels across the world» (Clasificación por nivel de violencia de los conflictos alrededor del mundo), enero 2024.
Yaniwan amulan-euk sk'oponel ini
ESSENTIAL BIBLE TEACHINGS
¿Bin yuʼun maba slajinoj Dios te wokolile?
Bayal ants winiketik ya sjojkʼoybey sbaik bin yuʼun bayal pʼajel sok wokolil ta balumilal. Ta Biblia ya scholbey skʼoplal ta lek sok ya yakʼ smukʼul koʼtantik.
¡WIKʼILUK JSITIK SPISIL-ORA!
¿Yabal xjajch ta Israel te Armagedón? | ¿Bin ya yalbotik te Biblia?
Ta libro yuʼun Apocalipsis ya yakʼ jnatik bin-a te Armagedón.
YANTIK TEMAETIK
Ya jmaliytik jun lekil kuxlejalil ta pajel chaʼbej
¿Bin yuʼun ma pajaluk te bin ya yal te Biblia sok te bin ya yalik te ants winiketik ta swenta te pajel chaʼbeje?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
