“E taime teia no te akaiti e te akameitaki mai i te turanga. E taime teia no te tapupu mai i te au mea,” i na te United Nations Secretary-General António Guterres ei no ta Iran tamaki ia Israel i te Maanakai, Aperira 13, 2024.

 Te tupu nei teia tu tamaki i te Middle East i te ao katoa.

 “E maata atu te au tamaki kino i teianei ao i te taime o te Tamaki Rua o te Ao e e 2 pirioni tangata—e kota te maata o te tangata—te takinokinoia nei.”—United Nations Security Council, Tianuare 26, 2023.

 Te tupu nei teia au tamaki kino i Israel, Gaza, Syria, Azerbaijan, Ukraine, Sudan, Ethiopia, Niger, Myanmar, e Haiti. a

 Aea te tamaki e akamutu ei? Ka rauka ainei i te au arataki o teianei ao te akatupu i te ʼau? Eaa ta te Pipiria e akakite maira?

 Te akaari maira te au tamaki i teianei ao e kare e roa atu ana ka akamutu te au tamaki ravarai. Te akatupu nei teia au tamaki i te totou a te Pipiria no te tuatau e noo nei tatou. Te kapiki ra te Pipiria i te reira e ko “te openga o teianei ao.”—Mataio 24:3.

•   “E akarongo oki kotou i te tuatua tamaki, e te rongo tamaki. . . . E tu mai tetai enua e tamaki mai ki tetai enua, e tetai basileia e tamaki mai ki tetai basileia.”—Mataio 24:6, 7.

 Tatau i te atikara “Eaa te Akairo o te “au Rā Openga,” me kore “te au Tuatau Openga”?” kia kite koe e te akatupu nei te au tamaki o teia rā i te totou Pipiria.

 Te akakite maira te Pipiria i te openga o te au tamaki a te tangata. Akapeea te reira e tupu ei? Kare na te tangata e akamutu i te reira, mari ra na Aramagido, “te tamaki i taua rā maata o te Atua Mana Katoatoa.” (Apokalupo 16:14, 16) Na roto i teia tamaki e akatupu ei te Atua i tana taputou kia mataora te tangata i te ʼau mutu kore.—Salamo 37:10, 11, 29.

 Kia kite maata atu i ta te Atua tamaki te ka akamutu i te au tamaki ravarai, e tatau i te atikara “Eaa te Tamaki o Aramagido?”