«Ya bi zo̱ rä ora de gä käꞌtuäbihu̱ yä tuhni pa hindä sigi dä hñutsꞌi. Y mänꞌa xa mähyoni gä jahu̱ durante nunä rä tiempo di ꞌmu̱hu̱» (gehnä bi mää rä secretario general de las Naciones Unidas, António Guterres nuꞌmu̱ Irán bi fo̱te rꞌa yä bomba kontra Israel rä pa nsabdo 13 de rä abril de rä 2024).

 Mäpaya, po gatꞌho rä xiꞌmhai, yä jäꞌi ñä de nuꞌu̱ yä tuhni thogi ha rä Oriente Próximo (oeste de Asia).

 «Mäpaya, mänꞌa ja yä gerra ke mi uadi rä Segunda Guerra Mundial ꞌne 2.000 yä miyon yä jäꞌi xä sufri ngeꞌä mꞌu̱i ha nuꞌu̱ yä luga habu̱ ja yä gerra» (Consejo de Seguridad de la ONU, 26 de rä enero de rä 2023).

 Gehya rꞌa de nuꞌu̱ yä luga habu̱ bi ja yä tuhni: Israel, Gaza, Siria, Azerbaiyán, Ucrania, Sudán, Etiopía, Níger, Myanmar ꞌne Haití. a

 ¿Hämꞌu̱ ma dä uadi nuya yä tuhni? ¿Ma dä logra yä tsꞌu̱tꞌhui de nunä xiꞌmhai dä huati yä tuhni? ¿Te udi rä Biblia?

 Nuꞌu̱ yä tuhni thogi mäpaya, udi ge mänꞌitꞌho ma dä uadi gatꞌho yä tuhni. Rä Mäkä Tꞌofo ya xki mää ge ma xä nja yä gerra durante nunä rä tiempo di ꞌmu̱hu̱. Nunä tiempo tꞌembäbi rä pa habu̱ ma dä zo̱ho̱ «rä fin nuꞌu̱ yä tsꞌo tꞌo̱tꞌe ja ha rä xiꞌmhai» (Mateo 24:3).

•   «Ma dä nja yä gerra ꞌne ma gi yꞌo̱dehu̱ yä notisia de gehya. [...] Yä dähni ma dä nju̱tsꞌi kontra märꞌa yä dähni ꞌne yä gobiernu kontra märꞌa yä gobiernu» (Mateo 24:6, 7).

 Pa gi hyandi hanja mäpaya di kumpli näꞌä ya xki mää rä Mäkä Tꞌofo de yä tuhni, hñeti rä artículo «¿Cuál es la señal de “los últimos días” o “los tiempos finales”?».

 Rä Mäkä Tꞌofo mää ge ma dä uadi yä tuhni. ¿Hanja ma dä kumpli? Hingä ma dä uadi po yä tsꞌe̱dise̱ yä jäꞌi, sino po näꞌä rä tuhni rä thuhu Armagedón, nunä tuhni go rä me̱ti näꞌä rä Zi Dada xa ja rä tsꞌe̱di (Apocalipsis 16:14, 16). Xti uadi nunä tuhni, ma dä kumpli näꞌä ya xki prometebi Äjuä yä jäꞌi de dä nja nꞌa rä mꞌu̱i temäꞌentho ha gatꞌho rä Xiꞌmhai (Salmo 37:10, 11, 29).

 Pa gi pädi mä nꞌa tu̱i de hanja näꞌä tuhni ma dä huati ko ngatꞌho nuꞌu̱ märꞌa yä tuhni, hñeti rä artículo «¿Qué es el Armagedón?».