“Yo-o ayili mpindi yakucefyanyako izyankondo. Swinya ampindi yakuti swensinye tuyilame nu kuleka ukulwa,” Avino e António Guterres, e Secretary-General wakawungwe ka United Nations walanzile pa Ciwelusi, April 13, 2024 pano walandanga pe vino e Iran wasansile e Israel.

 Ukulwa kuno kuli ku nsi zya ku Middle East nanti insi zya ku kapela, acakulolelako ce vino vikucitika insi yonsinye.

 “Mu nsi muli ivyongo vino visitela viweko ukufumilila pa Nkondo ya Citi Wili iya nsi Yonsi swinya awantu 2 billioni akuli ukuti—e kota ya wantu mu nsi—awano wakumilweko.”—United Nations Security Council, January 26, 2023.

 Pa nsi zino zikulwa izyankondo pali e Israel, Gaza, Syria, Azerbaijan, Ukraine, Sudan, Ethiopia, Niger, Myanmar ne Haiti. a

 Uzye konye ukulwa kulisila mpindi ci? Uzye Intunguluzi zya mu nsi, zingaleta umutende? Avyani Vino Baibolo Yikalanda?

 Ivyongo vino vili munsi, vikulanjizya ukuti inkondo zili mukusila nombanye. Zyo-o inkondo zikuficilisya uwusesemo wuno wukalanda pe yo-o impindi yino tufisilepo. E Baibolo yikayita ukuti ‘impindi yansilo yankulonye yoo.’—Mateyu 24:3.

•   “Muliyivwa imbilikiti yisumo ikupala­mila, mwivwe nilandwe lyisumo ukutali . . . . Insi zilisambuchilana zi­walwa, namawufumu yaliwachichizana.”—Mateyu 24:6, 7.

 Wazyani icipande ca mu ciwemba icakuti “Finshi Twingeshibilako Inshiku sha Kulekelesha, Nelyo ‘Inshita ya Mpela,’?” pakulola vino zyo-o izyankondo zikuficilisya uwusesemo wa mu Baibolo.

 E Baibolo yalanda impindi pano zyo-o inkondo zilisila. Uzye zilisila wuli? Zitalisila ukupitila mukuwombesya kwa wantu lelo zilisila pa Armagedoni, “isumo nanti inkondo ya-wanda wukulu uwakwe Leza wamaka yonsi.” (Ukuwumbulika 16:14, 16) Yo-o inkondo yililenga Leza aficilisye vino walaya awantu pakuti wize wayitopwa umutende umuyayaya.—Amalumbo 37:10, 11, 29.

 Pakusambilila ivivule pe vino inkondo ya kwe Leza yilimala izya nkondo zyonsinye, wazyani icipande cakuti “Uzye Inkondo ya Armagedoni Acani?”