2024 abril kati,13 yua satadi, Iran kuntrika Israel kuntrika mapara aiklabanka dukiara Nisan nani asla takanka hilp mamunra Antonio Guterres ba naku aisan: “Naiwa ba wark aiklabanka kau tara daukaia watlika ra trabilka daskaia natka plikaia sa, wan kupia alki takaskaia piua sa”.

 Medio oriente kuntrika nani ra war aiklabi ba tasba aiska ra sin kaikaia sip sa.

 “Sekan war aiklabanka kau tara piua wina naiwa piua kat tasba aiska ra war aiklabanka kau ailal takisa, bara naha tâka mita upla 2.000 milian nani pat wahwisa” (2023 enero kati, 26 yua, tasba aiska ra kupia kumi lâka plikaia bara upla rayaka kaina kahbaia dukiara wark taki asla takanka ONU).

 Kuntrika nani war aiklabanka tilara pat lui banhwi ba: Israel, Gaza, Siria, Azerbaiyán, Ucrania, Sudán, Etiopía, Níger, Myanmar bara Haití. a

 ¿War aiklabanka nani ba ahkia tnata aimakbia? ¿Tasba gabamintka nani ba kupia kumi lâka bri balaia sip kabia ki? ¿Baibil dîa wisa?

 Tasba aiska ra trabil nani taki ba wan marikisa tisku war aiklabanka nani ba tnata aimakbia. Baibil prapit dahra aisanka kum ra wi ba baku naha war aiklabanka nani ba marikisa yawan dîa sat piuara iwi ba, bara Baibil ba naha piuara nina mâkisa “Tasba tnata sainka” piua nani (Matiu 24:3).

•   “Man nani sin war nani dukiara bara war trabilka nani dukiara sin aisi kabia walma [...]. Kan kuntri kumi mita wala mapara aiklabia, tasba kum mita wala mapara war aiklabia (Matiu 24:6, 7).

 Baibil ba war aiklabanka nani dukiara prapit dahra aisan ¿Naiwa piuara naha prapit dahra aisanka nani ba nahki aimakisa ki? Naha tânka dukiara nu takaia want sma kaka “¿Cuál es la señal de ‘los últimos días’ o ‘los tiempos finales’?” Ulbi sakanka ba aisi kaiks.

 Baibil ba smalkisa war aiklabanka nani sut tnata aimakbia, ¿Nahki takbia ki? Waitna karnika wal apia kabia, kau ni Armagedan war aiklabanka bâk naha sika, “Gâd witinka karnika sut bri ba yua tara warkka” sa (Param Marikanka 16:14, 16) Naha war aiklabanka takbia ningkara, tasba aiska ra Gâd ai pramiska aimakbia yabia, bara upla sut ban kaia ra kupia kumi lâka ra iwbia (Lawana Nani 37:10, 11, 29).

 ¿Gâd war aiklabanka ba nahki war aiklabanka wala nani tnata mangkbia? Naha tânka dukiara nu takaia wat sma kaka, “¿Qué es el Armagedón?” ulbi sakanka ba aisi kaiks.