Naha ya Iran hase itaselize naha ya Israel la Mukibelo, April 13, 2024, bo António Guterres, bañoli ba kopano ya UN nebabulezi kuli: “Ye ki yona nako ya kueza lika zeñwi kuli lukusufaze kwa muinelo wo kuli usike watotobela hahulu. Ye ki yona nako yelutokwa kubonisa hahulu buiswalo.

 Ndwa yeezahala kwa Middle East, ki mutala feela ulimuñwi wa lindwa zesweli kuezahala mwa lifasi kaufela.

 “Mwa lifasi kacenu, kunani lindwa zeñata hahulu kufita lindwa zenebile teñi lilimo zefelile kuzwa fokubela ni Ndwa ya Lifasi ya Bubeli mi batu babafita fa 2 billion baamilwe ki lindwa zeo.”—Ka kuya ka kopano ya United Nations Security Council, la January 26.

 Linaha mokunani lindwa ki naha ya Israel, Gaza, Syria, Azerbaijan, Ukraine, Sudan, Ethiopia, Niger, Myanmar, ni naha ya Haiti. a

 Batu baka tuhela lili kulwana? Kana baeteleli ba lifasi bakona kutahisa kuli kube ni kozo mwa lifasi? Bibele ibulelañi fa taba yeo?

 Lindwa zesweli kuezahala mwa lifasi kacenu, libonisa kuli honacwale-cwale fa, lindwa kaufela likafeliswa. Lindwa ze litaleleza bupolofita bwa mwa Bibele bobubulela za nako yelupila ku yona. Bibele ibiza nako yeo kuli ki “nako ya kufela kwa lifasi.”—Mateu 24:3.

•   “Mukautwa za lindwa ni lipiho za lindwa. . . . Sicaba sikalwanisa sicaba sesiñwi, ni mubuso ulwanise mubuso omuñwi.”—Mateu 24:6, 7.

 Kuli muzibe litaba zeñata ka za mo lindwa zesweli kuezahala litaleleleza bupolofita bwa mwa Bibele, mubale taba yeli, “What Is the Sign of ‘the Last Days,’ or ‘End Times’?”

 Bibele ipolofita za molika felisezwa lindwa mwa lifasi. Taba yeo ikaezahala cwañi? Haki batu babaka felisa lindwa kono lika feliswa ka ndwa ya Armagedoni, yona “ndwa ya lizazi lelituna la Mulimu Yamaata Kaufela.” (Sinulo 16:14, 16) Hamulaho wa ndwa yeo, Mulimu ukataleleza sepiso yahae ya kutahisa kozo mwa lifasi kaufela.—Samu 37:10, 11, 29.

 Kuli muitute zeñata ka za mo ndwa ya Mulimu ika feliseza lindwa kaufela mwa lifasi, mubale taba yeli, “Ndwa ya Armagedoni ki Nto Mañi?”