KIP WACH!
A Wen Piipl A-Go Tap Fait An Kil Dem Wan Aneda?—Wa Di Baibl Av Fi Se Bout Dis?
Wen Iran did go ron iin pan Izrel pan Satde, Iepril 13, 2024, Antonio Gutteres, di man we inchaaj a di Yuunaitid Nieshan, did se: “A nou a di taim fi piipl waak we fram di wol iip a faitin-faitin an a nou a di taim fi dem jos iizi demself.”
Di faitin we de gwaan dong iina di Migl Iis ya nou jos a shuo wa a gwaan aal uova di worl.
“A wol iip muo waar a gwaan ya nou dan eni ada taim sins Worl Waar 2 an kaaz a dem sitn de we a gwaan, a bout 2 biliyan piipl afi a diil wid som kain-a prablem.”—United Nations Security Council, Janiweri 26, 2023.
Si som a di plies dem ya we wol iip a faitin-faitin a gwaan: Izrel, Gaaza, Siriya, Azabaijan, Yuukrien, Sudan, Iitiyuopiya, Naija, Maiyanmaar, an Ieti. a
A wen piipl a-go tap fait an kil dem wan aneda? Yu tingk di govament dem kyan tap di wol iip a faitin we a gwaan an mek piipl liv iina piis? Wa di Baibl av fi se bout dis?
A bie waar de aal uova di worl
Di wol iip a waar dem we wi si a gwaan aal uova di worl, a wan sain se waar a sitn we suun don we wid. Di Baibl did mek wi nuo se wol iip a-go gwaan pan di ort iina fi wi taim. An it kaal da taim ya di taim wen “di worl suun don.”—Matyu 24:3.
“Unu a-go ier se waar a gwaan a woi woi an waar a gwaan anda unu nuoz. . . . Wan set a piipl a-go waar gens wan neks set a piipl, an kindom a-go fait gens kindom.”—Matyu 24:6, 7.
Fi si se di wol iip a waar dem we a gwaan ya nou a sitn we di Baibl did taak bout fram lang taim ago, riid dis: “What Is the Sign of ‘the Last Days,’ or ‘End Times’?”
Wan waar we a-go get rid a waar fi eva
Di Baibl mek wi nuo se wan taim a-go kom wen nobadi naa go fait an kil dem wan aneda agen. A uu a-go du dis? A Gad, a no di govament dem. Gad a-go yuuz di Aamagedan waar we a “di waar we a-go apm pan di big die wen Gad, we muo powaful dan evribadi, a-go joj piipl.” (Revilieshan 16:14, 16) An afta im yuuz di Aamagedan waar fi get rid a aal a dem waar ya, im a-go du aal a di ada sitn dem we im se im wuda du fi mek piipl liv iina piis fi eva.—Saam 37:10, 11, 29.
Fi fain out muor bout di waar we Gad a-go yuuz fi get rid a aal a di ada waar dem, riid dis: “What Is the Battle of Armageddon?”
a ACLED Conflict Index, “Ranking violent conflict levels across the world,” Janiweri 2024
You May Also Like
ESSENTIAL BIBLE TEACHINGS
Wa Mek Gad Lou Iivl An Sofarin Fi A Gwaan?
Uol iip a piipl aalwiez a aks wa mek so moch iivl an sofarin a gwaan. Di ansa we di Baibl gi kyan elp wi fi nuo wa mek dat a gwaan, an it kyan elp wi fi fiil beta.
KIP WACH!
Aamagedan A-Go Staat Iina Izrel?—Wa Di Baibl Av Fi Se Bout Dis?
Wi get di ansa wen wi luk pan wa di Baibl se iina Revilieshan bout Aamagedan.
BOUT WI
Aks Fi Wan Vizit Fram Di Jeuova Witnis Dem
Yu kyan get fi taak bout wan a di kwestiyan we di Baibl gi wi ansa fa, ar yu kyan lorn muor tingz bout di Jeuova Witnis dem.
