“Mawag ngana nga meyemmang i gerra tapenu ari ngana nga mas maggrabe i situasion. Sangawe ngana i tiempo na pangipasingan ta pangifugag ta baggi,” kinagi na United Nations Secretary-General nga si António Guterres meyannung ta direkta nga pangatake na Iran ta Israel ta Sabadu, Abril 13, 2024.

 I gerra ta Middle East ay tadday laman ta mesissimmu ta interu mundo.

 “Namegafu ta World War II, mas minaru i kinavayolente anna paggurulu anna 2 billion nga totolay—25 porsiento na populasion ta interu mundo—i nafektan.”​—United Nations Security Council, Enero 26, 2023.

 Nelavu ta kinavayolente anna paggurulu i Israel, Gaza, Syria, Azerbaijan, Ukraine, Sudan, Ethiopia, Niger, Myanmar, anna Haiti. a

 Sonu anni magimmang i gerra? Merattal kari na lider ira na mundo i imammo? Anni i kagian na Biblia?

 Ipasingan na gerra ira ta interu mundo nga aranni ngana mangultimu i gerra ira. Tuppalan na gerra ira i profesiya ta Biblia meyannung ta tiempo nga pattotolayattam. Agalan yaw na Biblia tu “panuppalan na sistema na ganna-gannug.”​—Mateo 24:3, NW.

•   “Maginna nu noka i guni na gerra ira ta aranni, anna madumug nu i gerra ira ta arayyu. . . . Ta maggegerra noka i nasa-nasion, kunne na gapa ta pappatulan ira.”​—Mateo 24:6, 7.

 Bibbigan i artikulo nga “Ano ang Tanda ng ‘mga Huling Araw,’ o ‘Katapusan ng Panahon’?” tapenu masingan nu kunnasi tuppalan na gerra ira i profesiya ta Biblia.

 Neprofesiya ta Biblia nga mangultimu noka i kinavayolente anna paggurulu. Kunnasi nga mesimmu yatun? Ari tu ta pappursigi na totolay, nu ari gukaban na Armagedon, i gerra na “dakal nga Aggaw na Dios nga Makapangngua sa Ngamin.” (Nepakannammu 16:14, 16) Megafu taw nga gerra metuppal na Dios i promesa na ta totolay nga mannanayun nga imammo.​—Salmo 37:10, 11, 29.

 Tapenu mammuan i mas aru paga ta gerra na Dios nga mamangultimu ta ngamin nga gerra, bibbigan i artikulo nga “Ano ang Digmaan ng Armagedon?”