OYIGE EBIBLIYA HAGUMA N’OMWALIMU
Oshagalukire Akalamo Ensiku n’Amango!
Omu kuyiga Ebibliya omukuganira buzira kulipa kantu koshi-koshi, wabona amashuzo oku madoso gali nk’aga:
Gurhi nakabamwo n’omwishingo omu kalamo?
K’amabi n’amalibuko byanacihwe?
Ka nanacibone abazigirwa bani bafîre?
Ka kobinali Nnâmahanga anarhushibirire?
Gurhi nakashenga lyo Nnâmahanga ayumvirhiza amasala gani?
Orhalipe Kantu Koshi-koshi
Ifunzo lyoshi lyajirwa buzira kulipa kantu, orhagule ciru ecitabu Oshagalukire Akalamo Ensiku n’Amango orhagule ciru n’Ebibliya akaba oyilagirireko.
Aha Ifunzo Lyakajirirwa
Wanarhimanana n’omwalimu wawe busu oku busu erhi mwanayiga kugerera etelefone, omu kasanzi n’ahantu ocishozire.
Ifunzo Lirhali lya Kusezibwa
Wanaleka okuyiga Ebibliya amango olonzize, ntaye wakuseza oku ogendekere.
Gurhi Rhuyiga Ebibliya Haguma n’Abandi?
Mwalimu w’Ebibliya akurhabala ly’oyiga ebi Ebibliya eyigiriza mwanzi oku gundi. Okuyiga Ebibliya omu kuganira omu kukolesa ecitabu Oshagalukire Akalamo Ensiku n’Amango! kwakurhabala ohugûkwe omwanzi guba omu Bibliya na gurhi gwakakurhabalamwo omu kalamo kawe. Ly’omanya binji, olole eyi video erhi omadoso galugidosibwa lugenda okurhuyiga Ebibliya haguma n’abandi.
K’olonzize okurhondera?
Osinage aha ly’opanga eprograme yawe y’okuyiga Ebibliya.