HE RĀVEꞌA MO HĀPĪ I TE PIPIRIA
¡Ka koa koe ki te hopeꞌa raꞌa!
Hai rāveꞌa nei ka hāpī ena koe i te Pipiria he ravaꞌa koe i te pāhono ki te ŋā ꞌui nei:
¿Pē hē ana koa mau?
¿E kore rō te ꞌino ꞌe te mamae e tahi mahana?
¿E piri haka ꞌou rō tātou ki te tātou huaꞌai ko mate ꞌā?
¿E tapa rō mai ꞌā te ꞌAtua?
¿Pē hē ana pure ki te ꞌAtua mo haka roŋo mai?
E taꞌe mo ꞌauhau
Mo hāpī ōꞌou he vaꞌai atu i te puka ¡Ka koa koe ki te hopeꞌa raꞌa! ꞌe ana haŋa koe e tahi Pipiria takoꞌa. ꞌIna koe e ko ꞌauhau e tahi meꞌe.
Māꞌau ꞌā e uꞌi a hē ꞌe ꞌi hē
E riva nō koe mo piri ki te kope ka hāpī atu ena ꞌi te hora ꞌe ꞌi te kona tano atu ki a koe ꞌo mo hāpī takoꞌa a roto i te Internet.
ꞌAna haŋa nō koe
Mo haŋa koe mo haka rē te hāpī te oho ꞌina he ꞌati. Māꞌau ꞌā e uꞌi he aha taꞌa meꞌe ka aŋa ena ka hāpī ena koe i te Pipiria.
¿Pē hē e hāpī ena mātou i te Pipiria?
Mo te kope ka hāpī ena kōrua e hāꞌūꞌū atu mo aŋi-aŋi taꞌa meꞌe haŋa mo ꞌite o ruŋa i te Pipiria. Te puka ¡Ka koa koe ki te hopeꞌa raꞌa! he hauhaꞌa e tahi mo hāpī mo oho ōꞌou i te meꞌe kī e te Pipiria ꞌe mo aŋi-aŋi ōꞌou pē hē te Pipiria ana hāꞌūꞌū atu. Mo haŋa koe mo ꞌata ꞌite o ruŋa, ka mataꞌitaꞌi i te vīdeo nei ꞌo ka taiꞌo te ꞌui rava ꞌui e te taŋata o ruŋa i te hāpī nei.
¿Haŋa rō koe mo haꞌamata mo hāpī?
Ka ŋatu ꞌi te kona nei mo no-noꞌi mo hāpī atu i te Pipiria.