WAFARKOR REFO KUKER SNONGGAKU OSO
Wasmai Payamyum Ḇekain Fyoro!
Wakfarkor Refo ḇeyor ḇaḇyak ḇa ine kada, nari wafawi kankarem ro fakfuken-fakfuken raris:
Rosai na yakfrur kaku insama yasmai marasrisen ma payamyum ro kenem yena?
Kandera ma roi ḇeḇarḇor na nari naisya ker ke?
Snonggaku yaswar sya sia simar kwar, fama nari bisa yasrow kaḇer kuker si ke?
Kaku Manseren Allah iswar aya ke?
Rosai na yafrur kaku insama Manseren Allah ryower nadi ayena?
Sor Ḇaḇyak Ḇa
Sor ḇaḇyak ḇa ro farkarkor ine kam. Wamarisen ido, na sbuk syap Wasmai Payamyum Ḇekain Fyoro! ma Refo oso ḇe Au.
Manggundaw
Bisa farkor kuker snonggaku oso ro telfon vidio ḇaido musrow mu ḇeri. Moḇ ma oras ḇyena ryamuma ro Au.
Sedafdif Au Ḇa
Wamewer wafarkor wer ido, manggundaw.
Farkarkor ine moḇsa isnai rai?
Snonggaku ḇebuk farkarkor Refo ḇe Au nari isaramper Au fa wafawi rosai Refo fyarkor na oser-oser. Wafarkor kuker syap Wasmai Payamyum Ḇekain Fyoro! kada, nari wafawi rosai Refo fyarkor kaku na ma wasmai payamyum. Imbe wafawi syadi farkarkor ine ido, mampan vidio ine oroḇa ido mam fakfuken ḇeraker snonggaku ḇebor sya ḇekur farkarkor ine.