Jaˇliꞈ dzaw˗eu
Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya
Aˇ poeˬ maˬ jiˇ ni Jaˇliꞈ dzaw ngeh, nawˇ gaˇ kawˆ heu deuˬ˗ahˇ ya siˬ nya meh.
Dehꞈ ziˇ laꞈ kʼoeˇ laˬ kʼaˬ cehˇ ni aˬ joˆ˗ehˇ ya jahˇ˗eu nga?
Shaˬ˗eu zahˬ˗eu jeˬ hawˇ˗eu yaw haiˬ yaw doeˇ jeˬ byoˆ˗iˇ˗eu aˇ nah baw meh loˇ?
Shiˇ dzeuˇ˗euˬ ngaˇ gaˬ˗eu tsawˇ haˬ deuˬ˗ahˇ tiˬ poˆ paˇ mawˇ dzoeˇ nya ngaˇ siˬ laˬ?
Miˬyehˇ ngaˬ˗ahˇ maˇ diˇ ngehˬ gʼeh ngaˇ laˬ?
Ngaˬ˗euˬ guiˬ lahˬ shaˇ dawˬ˗ahˇ Miˬyehˇ naˇ haˬ nehˬ laꞈ ni, aˬ joˆ˗ehˇ ya shaˇ˗eu nga?
Pyuˇ maˬ ya biꞈ˗a
Nawˇ pyuˇ maˬ biꞈ ni Jaˇliꞈ dzaw nya˗awˇ, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ hawˇ˗eu Jaˇliꞈ jiˇ yawˬ ngehꞈ˗ehˇ yuˇ nya meh.
Yehꞈ˗eu jawˇ duˬ hawˇ˗eu aˇ yamˬ
Nawˇ yehꞈ˗eu jawˇ duˬ hawˇ˗eu aˇ yamˬ˗ahˇ oe˗awˇ bi mehˬ le˗eu laˬ? Maˬ ngeuˇ naˇ, naˬ gaˬ paw neh dzaw˗eu laˬ lehˇ tseˇ nya meh.
Ka tiˇ˗eu jeˬ maˬ jaˆ˗a
Maˬ paˇ dzaw mawꞈ naˇ jiˇ aˬ geu ngeh maˬ kaˬ ehˇ nya meh.
Jaˇliꞈ aˬ joˆ˗ehˇ dzaw˗eu nga?
Jaˇliꞈ dzaw ngeh, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ˗ahˇ zmˬ˗awˇ, Jaˇliꞈ mehˬ˗eu jeˬ˗ahˇ tiˬ kawˆ saˇ˗iˬ tiˬ kawˆ dzaw˗eu meh. Heu loꞈ˗ehˇ dzaw˗eu heu naˇ, Jaˇliꞈ nawˬ˗euˬ dehꞈ ziˇ˗ahˇ aˬ joˆ˗ehˇ gaˇ dahˇ tsoeˬ˗eu lehˇ tiˬ poˆ cuiˆ cuiˆ˗ehˇ bi siˬ laꞈ˗eu meh. Jaˇliꞈ aˬ joˆ˗ehˇ dzaw˗eu lehˇ heu naˆ maˬ tseˇ siˬ nya mawꞈ naˇ, biˬdiˬoˬ heu hmˬ˗ahˇ haw. Maˬ ngeuˇ naˇ, Jaˇliꞈ dzaw˗eu gaˇ kawˆ nehˬ˗ehˇ taꞈ leˇ˗awˇ tiˬ kʼehˬ maˬ taˬ naˇ haˬ˗eu jeˬ lehˇ ehˇ gaˇ haw nya meh.
Jaˇliꞈ dzaw˗eu paˇ dmˬ˗ahˇ haw mawꞈ miˇ˗a laˬ?
Aˬ jeˬ jeˇ˗euˬ gaˇ kawˆ˗ahˇ dzaw dahˬ beh˗eu nga lehˇ haw.
Jaˇliꞈ dzaw haw mawꞈ miˇ˗a laˬ?
Jaˇliꞈ dzaw˗eu aˇ yamˬ hawˇ˗eu jawˇ duˬ ehˇ nehˬ˗eu gʼaˇ duˬ, heu gaˇ laꞈ oˆ neh ahˇ leˇ.