Natao hagnampeagne azo hahafantatse soa an’Andrianagnahare naho ty Baiboly vaho ty Vavolombelo i Jehovah ty tragnom-porarotse toy. Vakio, henteo, sady alao ze mahaliagne azo atoagne. Tea’ay handrambe soa amy ty tragnom-poraro’ay toy ka ty ndaty hafa, faie ko aheregne alefa amy ty tragnom-porarotse hafa ndra amy ty programa hafa ty raha atoagne. Naho tea’o hatoro ndaty hafa ty raha trea’o tato, le ampagnenteo ty tragno-porarotse toy iareo, mifagnarake amy ze rehafegne amy ty Fifagnekeagne ambane eto toy.

•  Zo ty Mpamboatse

•  Mareke Famantaragne

•  Fifagnekeagne naho Fagnomezan-dalagne Hampiasa ty Tragno-porarotse toy

•  Fizaràgne Miomba ty Fitsaboagne

•  Fialàgne Andraikitse naho Antoke

•  Tsy Fagnajagne Fifagnekeagne

•  Fagnasoagne

•  Lalàna naho Fitsaragne Ambone

•  Andine’e Foagna ty Fitsaragne

•  Fifagnekeagne Manontolo

© 2017 Watch Tower Bible and Tract Society of Pennsylvania. All rights reserved.

Ty Watchtower Bible and Tract Society of New York, Inc. (“Watchtower”) ro mamokatse naho mikarakara ty tragnom-porarotse toy. Naho tsy misy fitaliliagne manokagne, le fizaka-managne ara-tsaigne (propriété intellectuelle) ahy ty Watch Tower Bible and Tract Society of Pennsylvania (“Watch Tower”) iaby ze soratse naho ze fagnazavagne atoa.

Ahy i Adobe Systems Incorporated ty Adobe naho ty sare famantaragne aze, vaho ty Acrobat naho ty sare famantaragne aze. Ahy i Apple Inc. ty iTunes naho ty iPod. Ahy i Microsoft Inc. ka ty Microsoft, sare famantaragne ty Microsoft, vaho ty agnara ty programa naho ty raha aboa’e, ohatse tihoe ty Microsoft Office naho ty Microsoft Office 365. Sambe managne ty tompo’e ka ty sare famantaragne hafa.

Ty fifagnekeagne toy ro mifehe ze mampiasa ty tragnom-porarotse toy. Kanao rehe mampiasa ty tragnom-porarotse toy, le magneke ze raha rehafegne ato naho ze Fifagnekeagne hafa (atao tihoe “Fifagnekeagne” ty fitambara’e) ato amy ty tragnom-porarotse toy. Tsy toko’e hampiasa ty tragnom-porarotse toy rehe naho tsy eke’o iaby ze raha rehafegne atoa, ndra misy tsy eke’o ty ila’e.

Inogne iaby ty azo’o atao? Azo’o atao ty:

• Magnente, mangalake, ndra manao pirinty ze sare, boke amy ty pozi’e elektronike, mozike, soratse ndra video ahy Watch Tower amy ty tragnom-porarotse toy, mba hampiasae’o fa tsy havili’o.

• Mandefa tohy (liens) amy ty ndaty hafa agne mba hahatreavagne boke ndra video ndra raki-peo alaegne amy ty tragnom-porarotse toy.

Faie tsy azo’o atao ty:

• Mametrake sare, boke amy ty pozi’e elektronike, sare famantaragne, mozike, video, ndra lahatsoratse boake amy ty tragnom-porarotse toy ato ho amy ty Internet (tragnom-porarotse hafa, toeragne amy ty Internet ao azo andefasagne soratse ndra sare ndra video, ndra tragnom-porarotse fifandrambesagne).

• Mampiparitake sare, boke amy ty pozi’e elektronike, sare famantaragne, mozike, video, ndra soratse boake amy ty tragnom-porarotse toy ato amy ty alala ty programa hafa ndra miarake amy ty programa hafa (voaraoke agnate izay tihoe mampizilike o raha rehafegne reo amy serveur ao mba hampiasaegne amy ty programa raike).

• Mandika, magneregne mampiboake, mampiparitake, ndra mampiasa sare, boke amy ty pozi’e elektronike, sare famantaragne, mozike, video ndra soratse amy ty tragnom-porarotse toy mba havily ndra hahazoan-drala (ndra tie tsy hangalagne tombo’e).

• Mamorogne programa, fitaovagne, ndra teknike ahafahagne mangalake naho mandika fagnazavagne, HTML, sare, ndra soratse amy ty tragnom-porarotse toy, mba haparitake. (Faie tsy raràgne ty magnaparitake programa natao hangalagne raketse elektronike boake amy ty peje ho ahy ty ndaty maro amy ty tragnom-porarotse toy, naho maimaim-poagne i programay fa tsy havily. Va’e ho programa azo angalagne raketse EPUB, PDF, MP3, vaho MP4 zay.)

• Mampiasa amy ty fomba raty ty tragnom-porarotse toy ndra ze raha atoa, agnisa izay tihoe mampiasa fomba hafa, ankoatse ze fa atoro ato, mba hizilihagne ato ndra hanakantsakanagne ty fizilihagne ato.

• Mampiasa fomba manimba ndra va’e hanimba ty tragno-porarotse toy, ndra hanakantsakanagne ty fagnentea ty hafa ndra ty fiziliha’e ato; ndra mampiasa ty tragno-porarotse toy amy ty fomba tsy ara-dalàna, amin-kafetseagne, ndra amy ty fomba hiterake fahavoazagne ho ahy ty hafa, ndra mampiasa aze mba hanoan-draha tsy ara-dalàna, hamitapitahagne, ndra hinday fahavoazagne ho ahy ty hafa.

• Mampiasa ty tragnom-porarotse toy ndra ty sare, boke amy ty pozi’e elektronike, sare famantaragne, mozike, video, ndra soratse mba hanoagne toka varotse ndra hivarotagne entagne.

Natao hampitagne fagnazavagne avao ty fizaràgne miomba ty fitsaboagne. Tsy natao hagnomeagne torohevetse miomba ty fitsaboagne io sady tsy mahasolo ty torohevetse boake amy ty dokotera, ndra analizy, ndra fitsaboagne. Tsy risihe o fizaràgneo hanao fitsaboagne manokagne o ndatio, ndra hamonje dokotera manokagne, ndra hampiasa fagnafoly manokagne, ndra hagnorike fomba fiasa manokagne, ndra hagneke hevetse manokagne naho ty fagnazavagne hafa rehafegne ato.

Naho managne fagnonteneagne miomba ty aretegne raike ndra ty fomba fitsaboagne raike rehe, le agnonteneo avao ty heve ty dokotera ndra ty ndaty hafa manam-pahaiagne miomba ty fitsaboagne.

Mikezake magnomey fagnazavagne maregne naho niboake fara’e ty tragnom-porarotse toy amy ty fizaràgne miomba ty fitsaboagne ao. Faie “TSY NAGNAMPEAGNE, TSY NANGALAGNE” ty fagnazavagne trea’o ao, le tsy magnomey antoke azo vata’e zahay. Miala andraikitse amy ty fagnomeagne antoke mivantagne ndra an-kolake mifandrambe amo o fizaràgne iohoe ty tragnom-porarotse toy, agnisa izay ohatse ty firehafagne an-kolake tie mahafeno fepetse hipaliavan-drala ndra mifanandrife soa amy ty raha raike ty fagnafoly ndra ty fitsaboagne manokagne raike. Tsy magnomey antoke ty tragnom-porarotse toy tie azo tavandraegne ty fagnazavagne amo o fizaràgne miomba ty fitsaboagne io, maregne soa, tsy lany date, tsy magnoho-doza, sady feno soa. Tsy miantoke ty tragnom-porarotse toy tie sady tsy tompon’andraikitse naho diso ndra tsy ampe ty raha amo o fizaràgne iohoe ao. I rehe avao ro tompon’andraikitse amy ty raha mahazo azo naho miantehetse amy ty fagnazavagne trea amo o fizaràgne iohoe ao rehe. Tsy tompon’andraikitse vata’e ty tragnom-porarotse toy naho misy fitaraignagne ndra fahavoazagne (agnisa izay ty fahavoazagne tampoke sitrapo, fere/fahafatezagne tampoke, fatiantoke, ndra fahavoazagne vokatse ty fagnazavagne nimontso ndra ty tsy fandenà ty asa) boake amy ty fampiasagne ndra tsy fahafahagne nampiasa o fizaràgne iohoe. Tsy tompon’andraikitse ty tragnom-porarotse toy ndra tie managne antoke i nandefa fitaraignagney naho i niazo ty fahavoazagney, ndra nanao fifagnekeagne, ndra nanao raha tsy ara-dalàna, ndra nanao raha hafa rehafegne fa ara-dalàna. Tsy tompon’andraikitse ka ty tragnom-porarotse toy ndra tie nirehafagne tama’e ndra tsy nirehafagne tama’e tie va’e hisy ze fitaraignagne naho fahavoazagne zay.

Omey Watchtower azo “tsy nagnampeagne, tsy nangalagne” ze fagnazavagne amy ty tragnom-porarotse toy ato, naho ty raha agnate’e ato, vaho ty asa hafa anoegne ho azo amy ty alala ty tragnom-porarotse toy. Tsy manao toka varotse ndra magnomey antoke vata’e ty Watchtower, ndra mivantagne zay ndra an-kolake.

Tsy magnomey antoke ty Watchtower tie tsy misy virisy ndra raha hafa manimba ty amy ty tragnom-porarotse toy. Tsy tompon’andraikitse ty Watchtower naho misy fahavoazagne, ndra inogn’inogne zay, voka ty nampiasagne raha nanoegne ho azo tamy ty alala ty tragnom-porarotse toy, ndra fagnazavagne ndra raha hafa boake ato, agnisa izay ty fahavoazagne mivantagne ndra tsy mivantagne, an-tsitrapo ndra tsy an-tsitrapo, mitake onetse, vaho ty fahavoazagne bey (tafilitse amy izay ty fatiantoke).

Naho misy tsy hajae’o ty andine’e amy ty tragnom-porarotse toy ato, le mbe anagna i Watchtower avao ty zo ila’e rehafegne ato sady mampitao reke fa handrambe ty fepetse retoagne ama’o: Hampijanogne ty fahazoa’o militse amy ty tragnom-porarotse toy ato, hisakagne azo ndra ty ordinatera mampiasa ty adiresi’o IP tsy hiziliha’o ato vata’e, ndra hangatake i orinasa mpagnomey Internet azoy mba tsy hienga azo hilitse amy ty tragnom-porarotse toy ato. Managne zo hitory azo ka ty Watchtower.

Va’e hisy fotoagne ty Watchtower hagnasoa ty Fifagnekeagne toy. Le avy le hanan-kery eo naho eo i fagnasoagney naho fa miboake, le toko’e hohajae’o naho fa mampiasa ty tragnom-porarotse toy rehe. Angatahegne areke rehe hagnente mateteke ty peje toy mba hahafantara’o ty fifagnekeagne manan-kery fara’e.

Magneke ze mampiasa ty tragnom-porarotse toy fa ty lalà ty Fanjakà i New York, a Etazonia agne, ro hampiharegne, mba hisintahagne amy ze tsy fitovia ty lalàna. Handesegne agnatreha ty fitsaragne ambaratonga voaloa’e ndra fitsaragne federaly amy ty Fanjakà i New York, a Etazonia agne, ty fitoriagne ze mandika ty andine’e amy ty Fifagnekeagne toy, sady reke raike avao ro handineke naho hitsara izay.

Naho rehafe i fitsaragne Amboney tie foagne, tsy manan-kery, tsy azo ampiharegne, ndra tsy mifagnarake amy ty lalàna ty andine’e raike amy ty Fifagnekeagne toy, le mbe hanan-kery avao ty andine’e hafa. Naho misy tsy norihe ty Watchtower ty andine’e rehafegne ato, le tsy midika zay tie nifoagna’e zay, ndra tihoe tie tsy managne zo hampihatse izay sasa reke.

O raha rehafegne reo iaby ro fifagnekeagne ama’o naho i Watchtower miomba ty fampiasa’o ty tragnom-porarotse toy, sady magnafoagne ze fifagnekeagne fa natao taloha agne miomba ty fampiasa’o ty tragnom-porarotse toy.