Fãga-wɔlɔi nii ɓɛtɛvɛ ga é ɓɔ yiɛ è faa maa woli é vile Gala ba. Ya faa maa woli ɓalaa na é vile Gala Kɔlɔi va ta Jehova Na Seeleitiɛ. Nii nɛpɛ é ga è yiimai fãga-wɔlɔi nii ma, dodo, wɛlɛ ba, ɔɔ è dãaloo kɛ. Ge wõini ga nu lamaa li na te kulo-nu-ma zɔlɔ wo na. Na ma, ya liina na, mɛ lɛ fãga-wɔlɔi nii zuʋai ta nɛpɛ pu fãga-wɔlɔ ta ɓalaa ma. Nii è maa wolia fãga-wɔlɔi ma, ya zoo è ta lɛ ga numaa. Ya pele lɛ ga tiɛ ɓalaa te li na te ta maa woli, è ɣɛ velei é la Maazu Ɣili Woitiɛ zu te na wɔwɔwuvɛ.

•  Ponɛ Ʋai Maɣaa-ɓai

•  Trademarks

•  Maazu Ɣili Woitiɛ Ta Gaa-ɓai Ya Ʋee È Ya Ga È Li Fãga-wɔlɔi Ma

•  Sale Vɛlɛ Wu Ʋai

•  Ani Ya Maazu Ɣili Woitiɛ Ɣalena

•  Fai Taniga Te Maa Ɣa Ʋeli Maazu Ɣili Woitiɛ Zu

•  Tɔgi Ɓɔga Gaa-ɓai É Ge Ya

•  Maazu Ɣili Woitiɛ Taniga Tɛ Lɛ Ɣɛɛ Zui Malɔgi Wu

•  Gilima Woitiɛ Ɓɔgɔpɛ

© 2015 Watch Tower Bible and Tract Society of Pennsylvania, Inc. Gaa-ɓai pɛ ka dɛ ge ya.

Watchtower Bible and Tract Society of New York, Inc. (“Watchtower”) ɣa é fãga-wɔlɔi nii ɓɛtɛa. Towa é maazu vɛtɛsu. Ki-daa-wodo nɛpɛ é fãga-wɔlɔi nii ma tɔ ga Watchtower Bible and Tract Society of Pennsylvania wo. Ani nu ta nadɔ ɣa ba, ta bo.

JW, JW.ORG, JW BROADCASTING, ta JEHOVAH’S WITNESSES – BROADCASTING, te pɛ ta ga trademarks te Watch Tower Bible and Tract Society of Pennsylvania ya.

Adobe, Adobe logo, Acrobat, Acrobat logo, te pɛ ta ga trademarks te Adobe Systems Incorporated ya. iTunes ɓɔga iPod ta ga trademarks te Apple Inc. ya. Trademarks zɔitiɛ pɛ te laa-zeigi kɔlɔ ma te ɣea vea ta ma ga gile gile.

Maazu Ɣili Woitiɛ ta ga gaa-ɓai te ge ya fãga-wɔlɔi nii maazu. Ani ya liina fãga-wɔlɔi nii ma, ya dɛɛzu ga è ʋaa Maazu Ɣili Woi niitiɛ pɛ bu. Ani ɛ̀ lɛ ʋaani ta nɛpɛ bu, mɛ lɛ li na.

Zɛɓɛɛ ge ʋaa bu ga è kɛ ga ʋãga-wɔlɔi ma? Ya zoo è nii ta nɛpɛ ka na:

• Kɔlɔitiɛ, guitiɛ, footeitiɛ, faitiɛ ponɛɛ, ta ʋiliogitiɛ te na, ya wɛlɛ ta nɛpɛ ba, è dãaloo kɛ, ɔɔ è pilĩti ɓɔɔ ʋaa ma, podi lɛ ba.

• É ɣɛɛni ga kɔlɔ, ʋilio, ɔɔ goo-ziɣi ɣele, te pɛ ta na dãaloo faa ma. Ya ta dãaloo kɛɛ velei ʋe nu ɓalaa zeea fãga-wɔlɔi ta ɓalaa ma.

Mɛlɛ nii ta nɛpɛ kɛ:

• Mɛ lɛ kɔlɔ, ʋilio, ɔɔ goo-ziɣi ɣele ta nɛpɛ pu Ĩitanɛɛ ma (fãga-wɔlɔ ta ɓalaa, é ɣɛni ga “file-sharing site”, “video-sharing site”, ɔɔ siɛ-pulu ɣaa-ziɛ ɣele). Ɔɔ è ma trademark wu Ĩitanɛɛ ma.

• Maa lɛ nɛɛni ga ɔ̀ kɔlɔitiɛ, trademarks, guitiɛ, footeitiɛ, faitiɛ ponɛɛ, ɔɔ ʋiliogitiɛ, ta nɛpɛ gaa-wɛɛ kõpita wutii ta ɓalaa su, ɔɔ è ta wu kõpita ɓalaa su.

• Mɛ lɛ kɔlɔitiɛ, trademarks, guitiɛ, footeitiɛ, faitiɛ ponɛɛ, ɔɔ ʋiliogitiɛ te mazii ta nɛpɛ kulo ba ɔɔ kpɛtɛ wulu. Mɛ lɛ ta nɛpɛ kulo na ga è podi (ani ɓalaa dama lɛ ba). Mɛ lɛ ɓalaa ta ɣaa wɛɛ kõpita wutiitiɛ zu ani kulovɛ fãga-wɔlɔi nii ma.

• Mɛ lɛ pele ta ɓalaa kpɛtɛ ga numaa ta butii laali-taali kɛɛ la fãga-wɔlɔi ma é vile dãaloo faa va, ɔɔ numaa ta leve da ga te nii ta nɛpɛ kɛ na: “extract, harvest, or scrape data, HTML, images, or text from this site”. Gɛ lɛ bosu ga sɔɔlaitiɛ te na ɛ̀ lɛ ta dãaloo kɛɛ. Ani è wõini ya ta dãaloo kɛ EPUB zu ta PDF, MP3, AAC, MOBI, MP4 fáagitiɛ, ɔɔ è ta ɣaa wɛɛ, fɔɔnɛ ʋee lɛ ba.

• Mɛ lɛ li fãga-wɔlɔi ma ga pele ta ɓalaa é ziɣi nii wulu ge dɛɛ ga yiɛ, ɔ́ nɔ ɣɛ ga è faa ta ɓalaa kɛ na nii lɛ pele ma.

• Mɛ lɛ li fãga-wɔlɔi ma ga è faa ta nɛpɛ kɛ na, nii ya ɣɛ ga zaɓu é ŋala-ŋala ɔɔ nii ya kɛ ɛ́ lɛ butii ɣɛɛ ga pagɔ, ɔɔ è faa nɛpɛ kɛ na lɛ tɔgi laa woi ma, é ga wũmo ʋaa, ɔɔ faa yowũ ta ɓalaa, ɔɔ è faa nɛpɛ kɛ na nii mazaɓui ta nɛpɛ ma.

• Ani ya liina fãga-wɔlɔi ma, kɔlɔitiɛ, trademarks, guitiɛ, footeitiɛ, ʋiliogitiɛ, ta ɓɔga faitiɛ ponɛɛ ta na. Ɛ̀ lɛ ta wuloa na ga è podi.

Nii nɛpɛ ponɛɛ fãga-wɔlɔi nii ma é vile Sale Vɛlɛ Wu Ʋai va, tɔ nɔ ga ki-daa-wodo. Ɛ́ lɛ na ga é nu valo vele lɛ. Ani seeɓɛ ɣa è va, li sale vɛlɛ la. Ki-daa-wodoi nii é vɛ, ɛ́ lɛ daɣita (doctor) lɛɛzu ga è li pɔɔ ani ya zeeɓɛzu. Ɛ́ lɛ ɓalaa seeɓɛ mazale lɛɛ ga yiɛ, ɔɔ é sale ziɣi vele lɛ ga yiɛ.

Li daɣita wɔɔ siɛ nɛpɛ sale vɛlɛ la ʋaa ɣa vilena è va.

Ga ɣaa-ɓaazu ga ge ki-daa-wodo kpɔɔɓɔɔ fe, nii é na niizu é vile Sale Vɛlɛ Wu Ʋai va, fãga-wɔlɔi ma. Ki-daa-wodoi nii ponɛɛ vɛ é vile Sale Vɛlɛ Wu Ʋai va gilima woo laale. Na ma mɛ lɛ ge zo ga na ani ki-daa-wodoi è yɛga gaa-ziɛzu é vile Sale Vɛlɛ Wu Ʋai va ɛ̀ lɛ pɛtɛni vɛ. Kui laale ge ma ga kɛ tei numaa ta ɣito ki-daa-wodoi nii va, ɔɔ gaa ɣɛ kala, ɔɔ kɛ tei é zolowo maziɛgi ma, ɔɔ é ɓɔ numaa va ani ta ziɛna la. Ani fai tanigaa tɛ lɛ wonɛni ga pagɔ ɔɔ ge yeemaa gɛ lɛ te wonɛni, mɛ lɛ ge zo ga na. Ɛ́ lɛ ge ma ga kui. Ani ya yee laana ki-daa-wodoi nii ma é vile Sale Vɛlɛ Wu Ʋai va, è ɓɔɔ ʋaa ɣa ga na. Ani ya ziɛna ga ki-daa-wodoi nii é vile Sale Vɛlɛ Wu Ʋai va faa ɓaa ge leve è yee ma, na ɣa ga ŋada zei-ba ʋaa, saa ʋaa, ɔɔ fai tanigaa te ŋala-ŋala è yee ma, ɓɔvɛlaale gɛ lɛ è vileni pele vagɔ va, mɛ lɛ malɔwɔ vɛɛ fãga-wɔlɔi la. Anɛɛ ɓalaa numaa ta tɔgi zu-wulo ga te malɔwɔ vɛɛ fãga-wɔlɔi la, ɛ́ lɛ ge ma ga kui.

Ani ɛ̀ lɛ ziɛni ga Maazu Ɣili Woi niitiɛ, gaa-ɓaa ɣa Watchtower ya tɔgi laa woi ma ga é è ɓeteve fãga-wɔlɔi nii va dɛ, ɔɔ é è ɓeteve ba sa wɔ, towaa kõpitaitiɛ ɓeteve fãga-wɔlɔi nii va ya IP zeizuvɛ (IP Address) te ya, ɔɔ towaa bo numaitiɛ ma ta Ĩitanɛ fe è ya ga te è ɓeteve ba, ɔɔ Watchtower ɣa è zuu.

Ɣeeta Watchtower ɣa Maazu Ɣili Woitiɛ ta maa ʋeli bo. Maniinɛi te ponɛa fãga-wɔlɔi ma towa maa nɛɛ è ziɛ la sa é ziɣi siɛgi na ma. Na ma yɛ wɛlɛ na va wɔ ga è kwɛ̃ɛ ani te Maazu Ɣili Woitiɛ ta maa ʋeli boga.

Maazu Ɣili Woi niitiɛ ta New York maleʋei wu Ɓɔsu Yui zu Amɛlɛka. Nu nɛpɛ é wõini é wɔ ga Maazu Ɣili Woi niitiɛ ga li ga manui kuutii zu é Ɓɔsu Yui na gaa-ɓai wu New York.

Ani tɔgi laa woi ma fai taniga te Maazu Ɣili Woitiɛ zu maa lɛ nɛɛni numaa tɔ ziɛ la, ɛ́ lɛ sa ga gaa-ɓaa lɛ sa Maazu Ɣili Woitiɛ ya zɔitiɛ maazu. Ani Watchtower lɛ è wulu ga kɛni è ziɛ ga woi nii ta nɛpɛ, ɛ́ lɛ ga sa gaa-ɓai é zeea woi na maazu é Maazu Ɣili Woitiɛ zu, é yee wuloa bu.

Maazu Ɣili Woi niitiɛ ta ga gilima woitiɛ ɓɔgɔpɛ te wo yɔɔzu wa Watchtower é vile è lii ʋai va fãga-wɔlɔi nii ma, towa sa é ga gilima woitiɛ maa nɛɛ è ziɛ la ani ya liina fãga-wɔlɔi ma.