Uno keyala wa pa intaneti bamunengezha kwimukwasha kufunda byavula pe Lesa, Baibolo ne Bakamonyi ba kwa Yehoba. Tangai, tambai, ne kukopolola bintu biji pa uno keyala byo mwatemwa. Tukeba kuba’mba ne bantu bakwabo nabo bamwenemo mu uno keyala, pano bino, kechi mwafwainwa kwibibika pa makeyala akwabo ne. Mwakonsha kubuulako bakwenu byo mwafunda kupichila mu kwibatundaika kwingijisha uno keyala kwesakana na byaamba Mizhilo iji panshipo.

• Luusa

• Tuyukilo

• Mizhilo ya Kulondela ne bo Baswisha Kwingijisha uno Keyala

• Kipungu Kyaamba pa Mashinda a Kubukilwamo

• Mutembo wa Kuzhikijila Bengijisha Biji pa Keyala

• Balala ino Mizhilo

• Kupimpula Mizhilo

• Mizhilo ne Makochi

• Mizhilo Yapusana-pusana

• Lulayañano

© 2017 Watch Tower Bible and Tract Society of Pennsylvania. All rights reserved.

Keyala wa ba Watchtower Bible and Tract Society of New York, Inc. (“Watchtower”). Byambo byonse bitanwa pa uno keyala bya ba Watch Tower Bible and Tract Society of Pennsylvania, byambo byafuma kungi bamwesha benabyo.

Kayukilo ka Adobe, ka Adobe logo, ka Acrobat, ne ka Acrobat logo ke tuyukilo twa kampanyi ka Adobe Systems Incorporated. Kayukilo ka iTunes ne iPod twa kampanyi ka Apple Inc. Kayukilo ka Microsoft, ne mazhina a mitanchi yonse ya ba Microsoft ne biñambañamba bikwabo, kubikapo ne Microsoft Office ne Microsoft Office 365, ke tuyukilo twa kampanyi wa Microsoft Inc. Tuyukilo twa tumpanyi ne mazhina a tumpanyi kechi mwafwainwa kwitwingijisha ne, bya bene.

Ino Mizhilo ya Kulondela kimye kyo mubena kwingijisha uno keyala. Pa kuba’mba mwingijishe uno keyala, mwafwainwa patanshi kuswa kulondela ino Mizhilo yonse. Inge mwakana kuswa ino Mizhilo ya Kulondela pa Kwingijisha uno Keyala ko kuba’mba kechi mwafwainwa kwingijisha uno keyala ne.

Bi ka byavwangwa ku kwingijisha bulongo uno keyala? Mwavwangwa kulondela mizhilo iji panshipo:

• Mwakonsha kutamba, kukopolola ne kupulinta bipikichala, ne mabuku atanwa pa uno keyala, kukopolola nyimbo, bipikichala, byambo ne mavidyo a ba Watch Tower azhikijilwa na mizhilo kabiji mwafwainwa kwibingijishatu anweba bene kwapwa, kechi byakwingijisha mu bya busulu ne.

• Mwakonsha kutuminako muntu musabilo nangwa mabuku o mwakopolola, mavidyo nangwa nyimbo nangwa mabuku o batangila jimo aji pa uno keyala.

Pano kechi mwafwainwa:

• Kufumya bipikichala, mabuku, tuyukilo, nyimbo, mavidyo, nangwa bibaaba biji pa uno keyala ne kwibibika pa makeyala akwabo a pa Intaneti (makeyala onse, kutumina bantu, nangwa kwibibika pa misabilo ikwabo ya pa intaneti ya isambilamo bantu ne).

• Kusampanya bipikichala, mabuku, tuyukilo, nyimbo, byambo, nangwa mavidyo biji pa uno keyala (kubikapotu ne mitanchi ikwabo yo twingijisha) ne.

• Kunembulula, kusombolola, kukopolola bipikichala, kusampanya, nangwa kwingijisha bipikichala mu jishindatu jikwabo, mabuku, tuyukilo, nyimbo, byambo, nangwa mavidyo ne byonsetu biji pa uno keyala ne kwibingijisha mu busulu nangwa kulengelamo mali ne, (nangwa kya kuba kafwako nsubu yo mumwenamo ne).

• Kunembulula, kukopolola nangwa kufumya mitanchi ya pa kompyuta ya kwingijisha pa kukopolola bintu, kusenda mabulañano, HTML, bipikichala, nangwa byambo biji pa uno keyala ne kwibisampanya ne. (Bino uno muzhilo kechi wakanya kusampanya mitanchi yo babula kupotesha ya kukopolwelamo bintu nabiji EPUB, PDF, MP3, ne MP4 pa keyala wetu ne.)

• Kwingijisha keyala wetu mu jishinda jabula kufwainwa, nabiji kukeba kulubankanya bingila uno keyala nangwa kuya pa uno keyala kwingijisha mashinda apusanako na o balumbulula mu mizhilo ne.

• Kwingijisha mashinda onse akonsha kumonauna nangwa akonsha kulengela uno keyala kukatazha pa kumushinkula nangwa o babula kuswisha ku mizhilo, nangwa kumwingijisha mu bintu bimo bya mambo nangwa mu mashindatu akwabo atama ne.

• Kwingijisha uno keyala nangwa bipikichala bijipo, mabuku, tuyukilo, nyimbo, byambo, nangwa mavidyo mu bya busulu ne.

Bintu biji mu kino kipungu ke mabulañanotu kechi twaamba’mba o mashinda o mwafwainwa kwingijishanga ne, kabiji kechi kibena kulumbulula’mba mwafwainwa kuleka kuya ku bashayuka ba michi ne. Kino kipungu kechi kyatongola mashinda a kupiminamo bikola, badokotala, michi, mashinda a kupainamo michi, nangwa milanguluko ikwabo yo batongola pa mashinda a kubukilwamo ne.

Inge mwakolwa mwafwainwa kuya ku bashayuka ba michi nangwa badokotala pa kuba’mba bemubuule lukatazho lo muji nalo nangwa kwimubuka.

Pa uno keyala paji mabulañano a katataka aamba pa Mashinda a Kubukilwamo. Nangwa byonkabyo, byambo biji mu kino kipungu twibilumbululatu byonka byo biji kabiji kechi tukapimpulako ne. Keyala wetu kechi ukakumbula mepuzho nangwa kulumbulula bya kwingijisha mashinda a kubukilwamo inge kya kuba muntu ukeba kulondela ano mashinda ne. Kabiji uno keyala kechi walaya kupimpulako nangwa kuwamishako mashinda o bamwesha mu kino kipungu ne, akatwajijilatu kwikala byonka byo aji. Kabiji inge kuji bimo byalubankana nangwa byashalapo pa bintu biji mu kino kipungu uno keyala kechi uji na mutembo wa kwibiwamisha nangwa kubikapo byabulapo ne. Inge kya kuba mwakinkatu manungo mu mabulañano aji mu kino kipungu kiji ko muji, atweba kechi tukemukwasha nangwa kwimuzhikijila ne. Uno keyala kechi ukaswa mambo nangwa kwikala na mutembo wa kukwasha muntu inge kya kuba pamweka bintu bimo (nabiji inge kya kuba pamweka lukatazho, muntu wikozha nangwa wafwa, wataya mali na mambo a kukeba mashinda a kubikilwamo aji mu kino kipungu, nangwa busulu bwapona) na mambo a kulondela nangwa kubula kwingijisha bulongo mashinda a kubukilwamo aji mu kino kipungu, nangwa kya kuba paji mulaye nangwa lumvwañano, nangwatu mashinda akwabo aswishiwa mwayila mizhilo, uno keyala kechi ukaswa kuba byobyo ne.

Bena uno keyala ne byonse bijipo ke kipamo kya Watchtower kabiji bebibikapo kwesakana na byonka byo biji. Kipamo kya Watchtower kechi kiji na luusa lwa kuzhikijila muntu inge kya kuba wabula kwingijisha bulongo biji pa uno keyala nangwa inge byabula kumukwasha ne.

Kabiji kipamo kya Watchtower kechi kyabikako mitanchi ya kukanya mitanchi ilenga bantu bya pa kompyuta yonauna makompyuta ne. Inge kya kuba kiñambañamba kya muntu ubena kwingijisha uno keyala kyaonaika kipamo kya Watchtower kechi kiji na mutembo wa kumupa kingi nangwa kumuwamishisha ne, nangwa inge kya kuba wabula kumwenamo nsubu, kechi mutembo wa kipamo kya Watchtower wa kubwezhezha muntu bintu byaonaika ne.

Kwa kubula misalululo, kipamo kya Watchtower kiji na luusa lwa kupamo mambo aba babula kulondela ino mizhilo. Baji na luusa lwa kufuukula kuba kyo bamona’mba kyafwainwa yewa walala muzhilo, nabiji kwimushinkila uno keyala pa kakimye kacheche nangwa kikupu, kushinkila makompyuta onse engijisha keyala wenu (IP address). Nangwa kwisamba na kampanyi kuji musabilo wenu wa intaneti kuba’mba bemulekeshe kushinkula keyala wetu nangwa kwimutwala ku kochi.

Kipamo kya Watchtower kyakonsha kwalulako ino Mizhilo ya Kulondela pa kwingijisha keyala. Ino Mizhilo ya Kulondela bakeibikapo pa uno keyala inge beipimpulako. Monaingapo kimye kyonse pa ino mizhilo pa kuba’mba kimye kyonse muyukenga mizhilo ya kulondela pa kwingijisha uno keyala.

Ino mizhilo yaamba pa bya kwingijisha uno keyala bakeilondelanga kwesakana na mizhilo ya mu New York, U.S.A., kwa kubula kulala mizhilo ijiko. Yense ukalala muzhilo waamba pa kwingijisha keyala bakamutwala ku kije kya mu Kyalo kya New York, U.S.A.

Inge kochi yakana kukambula walala muzhilo umo pa ino Mizhilo ya Kulondela, mizhilo ikwabo ikatwajijila kwingila. Kipamo kya Watchtower inge kyabula kukambula walala muzhilo kechi kibena kulumbulula’mba ao muzhilo bamufumyapo ne, nangwa’mba bafwalo luusa lwa kukambulañana ne.

Ino Mizhilo ya kulondela yonse ke lulayañano pakachi ka anweba ne kipamo kya Watchtower pa bya kwingijisha uno keyala, kabiji luno lulayañano lo lwapingakena pa lulayañano lonse lo mwalayile kala pa uno keyala.