Snaʼobil slajel Kristo
Savado 12 yuʼun avril ta 2025
Li stestigounkutik Jeovae ta jtsob jbakutik jun velta ta jabil sventa jpaskutik li Snaʼobil slajel Kristoe, yuʼun xi laj yal komel li Jesuse: «Jech xapasilanik˗o sventa jnaʼobil» (Lukas 22:19).
Ta jtakotkutik ta ikʼel li ta tsobajele.
Li kʼusitik tsjakʼilanike:
¿Kʼu sjalil li tsobajele?
Tetik van jun ora.
¿Bu ch˗echʼ?
Jakʼbo junuk stestigo Jeova ti bu nakalot sventa xalbot ti bu ch˗echʼe.
¿Mi tojbil chij˗och?
Muʼyuk.
¿Mi chichʼ kʼanel takʼin te?
Muʼyuk.
¿Kʼu yelan skʼan jlap batel jkʼuʼ jpokʼtik?
Muʼyuk chichʼ alel ti kʼu yelan skʼan xalap batel li akʼuʼ apokʼe, pe li stestigounkutik Jeovae chkakʼkutik persa ti lekuk noʼox sba li jkʼuʼ jpokʼ ta jlapkutike, jech kʼuchaʼal chal li Vivliae (1 Timoteo 2:9). Mu persauk toyol stojol li akʼuʼ apokʼ chalap batele.
¿Kʼusi tspasik li ta Snaʼobil slajel Kristoe?
Mi lik li tsobajele, chijkʼejin; mi laje tspas orasion jun stestigo Jeova. Ta tsʼakale, chjelav jun mantal ti bu chal ti tsots skʼoplal li slajel Jesuse xchiʼuk ti kʼuxi xuʼ jtabetik sbalil li kʼusi la spas Dios xchiʼuk Kristo ta jtojolaltike. Mi laj li tsobajele, chijkʼejin yan velta xchiʼuk chichʼ pasel orasion.
Mi chakʼan chanabe mas skʼoplale, kʼelo li mantal: «¿Kʼu yuʼun li stestigotak Jeova jelel ti kʼu yelan tspasik li Veʼlil ta bat kʼakʼal yuʼun Kajvaltik kʼuchaʼal li yan relijionetike?».
¿Bakʼin chjelav li Snaʼobil slajel Kristo li ta yan jabiletike?
2025: savado 12 yuʼun avril.
2026: jueves 2 yuʼun avril.
Xuʼ van chakʼupin skʼelel xtok liʼe
LI SNAʼOBIL SLAJEL KRISTOE
Jvules ta joltik li slajel Jesuse
Oy ta koʼontonkutik ti xtal achiʼinunkutik li ta jun tsobajel ti toj tsots skʼoplale. Te chavaʼi kʼuxi xuʼ jtabetik sbalil ti laj yakʼ xkuxlejal ta jtojolaltik li Jesuse.
LI KʼUSI BAʼYEL SKʼAN JCHANTIK TA VIVLIAE
¿K’u yuʼun cham li Jesuse?
Li Vivliae chalbe tajek skʼoplal li slajel Jesuse. ¿Mi yuʼun toj tsots skʼoplal li slajele?