Tata Jesukristueri uarhikuani miántani
Sábadu 12 de abrili de 2025
Mándani uéxurhini, Jeobaeri testiguechaksï tánguarhintasïndi para tata Jesukristueri uarhikuani miántani ísï eska ima na juramupka. Ima uandaspti: “Ú je ini ambe jíndeni miántsparini” (Lukasï 22:19).
Pʼímarhikatajtsï jarhaska para nirani ini tánguarhikuarhu.
Ambe engaksï sánderu kurhanguarhijka
¿Ná xáni ióni durariisïni?
Ma orisï.
¿Nani úkuarhia?
Kurhamarhi je Jeobaeri testiguni ma enga chaari ireta jimbo irekaka parajtsï míteni nanisï úkuarhia.
¿Jatsia parani maiampini engani niuaka?
Nómbe.
¿Kurhacheajtsïni sentabu incharini?
Nómbe, jiáni engaksï Jeobaeri testiguecha tánguarhijka nóksï méni kurhakuasïndi sentabu kʼuiripuechani.
¿Néna jatsiski parani xukuparhani?
Juchaksïni no uaaka arhini nénajtsï xukuparhatini niua, joperu Jeobaeri testiguechachi jánguarhintasïnga sési xukuparhani, ísï eska Biblia na uandajka (1 Timoteu 2:9) No uétarhisïndi eskajtsï imani xukuparhakua paaka enga kánikua jukaparhaka o iatiru sési mórhekuarhitini nirani.
¿Ambe úkuarhisïni tánguarhikuarhu para miántani tata Jesukristueri uarhikuani?
Para ueenani jámani ka para kʼamarani, pirekuachi ma piresïnga, ka Jeobaeri testigu ma kómarhisïndi Tata Diosïni. Tátsekua, arhijtsïkperata ma jarhasïndi, enga uandanhajka andisï xáni jukaparhakue Jesúsiiri uarhikua ka na engajtsïni marhuachejka ambe enga Tata Diosï ka Kristu úkia juchantsïni jimbo.
Engajtsï uéjka sánderu ambe míteni, arhinta je artikuluni “¿Andiksïsï Jeobaeri testiguecha no májkueni úntajki Tateeri Senani ka eska máteru relijioniicha?”.
¿Ménderu káni úkuarhia Tata Jesukristueri uarhikueri miántskua?
Sábadu 12 de abrili de 2025
Juebesï 2 de abrili de 2026
Jamberijtsï ístu uéjka ini ambe míteni
MIÁNTSKUA
Ju je miántani tata Jesukristueri uarhikuani
Kánikua tsípikua jingonksïni pʼímarhisïnga parajtsïni pámbitani ini tánguarhikuarhu enga xáni jukaparhakueka. Ini tánguarhikuarhu, jorhenguarhiakajtsï nénaksïni uá marhuachini tata Jesukristueri tsípikua ka uarhikua.
ESSENTIAL BIBLE TEACHINGS
¿Andisï uarhi Jesusi?
Jamberijtsï ísï kurhaaka eska Jesusi uarhiska juchari pekaduecha jimbo, ¿joperu néna úpirini xáni uáni kʼuiripuechani marhuakuni ambe enga solu ma kʼuiripu úka?