Jíshup huañuynin yuyayta
Sabadu, 12 Abrilmanta, 2025huatamanta
Suj cuti huatapi, Jehóvap Testigusnin tantanacuycu Jíshup huañuyninta yuyáypaj, imaina pay cachara. Pay nera: «Nóckap yuyayniypi cayta ’ruas seguiychis»—(Lucas 22:19).
Invitasuycu cá tantacunaman ’rinayquípaj.
Tapunas
¿Áica dúraj ’rin?
Yacka suj horallát.
¿Maypi ’ruácoj ’rin?
’Rímay suj Jehóvap Testigunuan ckaylla maypi causanqui lugarman chayáypaj.
¿Yaycúypaj pagaránay tían?
Mana.
¿Ckoshckét mañacun?
Mana.
¿Imaina vestiscka ’rínay tían?
Mana precisu can vesticuyta ancha ancha sumítaj, pero Jehóvap Testigusnin desiaycu allí vestisckas tiayta, imaina Biblia yachachiaycu (1 Timoteo 2:9). Mana precisu can vesticuyta ropaan ancha válej o ancha formal casckanta.
¿Ima ’ruacun tantacunapi Jíshup huañuyninta yuyáypaj?
Tantacuna ckallariptin suj canciún cantacun y suj Testigu Jehovamanta suj oraciún ’ruan. Chaymanta, suj discursu presentacun, ima Bibliapi basascka tían, ima yuyachiáysh ancha importante casckan Jíshup huañuynin y imaina yanapaáysh Tata Yaya y Jishu ’ruasckancuta nockayshraycu. Puchucáypaj, cutis cantacun y suj oraciún ’ruacun.
Si munanqui astaan yachayta, léey artículo «¿Imajchus Jehóvap Testigusnin yuyancu Jíshup huañuynin mana quiquin sujcunas religiunes ina?»
¿Áicap yuyaconcka cutis Jíshup huañuynin?
2025: sábadu 12 abrilmanta.
2026: jueves 2 abrilmanta.
Caytapas gustasuyta atinman
JÍSHUP HUAÑUYNINTA YUYÁYPAJ
Yuyasúysh Jíshup huañuyninta
Invitasuycu nockaycuan tianayquípaj cá ocaciunpi ancha importante. Apréndej ’rinqui imaina Jíshup causaynin y huañuynin yanapasuyta atin.
ESSENTIAL BIBLE TEACHINGS
¿Imajchus Jishu huañora?
Biblia ckachiáysh Jíshup huañuynin ancha importante can. Huañuynin, ¿huaquin propositút cumplera?