Ukukumbukila Inifwa ya Yesu
Chobeluka, Epulelo 12, 2025
Kamokene pakyinja, Abaketi ba Yehova bikukumbukila inifwa ya Yesu bo muno umwene ayobile ukuti: “Bo mubombeghe bunobuno ukungumbukilamo une.”—Luka 22:19.
Tukubakolela kukyakubombiwa ikyapadela iki.
Isi Abandu Bandu Bighanile Ukulalusya
Ngimba ipulogilamu iyi yikuya pakubombiwa kwa kabalilo akatali kaliku?
Yikuya pakubombiwa kwa awala limolyene.
Ngimba ikyakubombiwa iki kisakubombeliwa kughu?
Amubalalusye Abaketi ba Yehova ukuti mumanye kuno ikyakubombiwa iki kikuya pakubombiwa.
Ngimba mukulipilisya?
Hayi.
Ngimba imbale yafyabupe yisakuyako?
Hayi.
Ngimba lulipo uluko lumo lwa myenda iyi abandu bikulondiwa ukufwala?
Pakyakubombiwa iki, yikayapo imyenda iyapadela iyakufwala. Abaketi ba Yehova bikukonga ubulongosi ubwa mu Baibolo ubwa muno babaghile ukufwalila ndwiyisyo nandughindiko. (1 Timoti 2:9) Imyenda yinu yitikulondiwa ukuya yapamwanya fiyo pamo yantengo unywamu.
Ngimba findu fiki fikuya pakubombiwa Pakukumbukila Inifwa ya Yesu?
Ulukomano ulu lukuya pakwanda nukumalika mwakwimba ulwimbo nulwiputo ulu lukubikiwa Nunketi yumo wa Yehova. Ikighaba ikinywamu fiyo Pakukumbukila Inifwa ya Yesu, yo nkhani iyi yikulingania ukulondiwa kwa nifwa ya Yesu namuno tubaghile ukusayiwila panongwa ya isi Kyala na Kristu batubombile.
Ukuti mumanye nyingi, belenga inkhani iyakuti “Chifukwa Wuli Ŵakaboni ŵa Yehova Ŵakupanga Mugonero wa Fumu Mwakupambana na Matchalichi Ghanyake?”
Ngimba Ukukumbukila Inifwa ya Yesu nkyeni kwisakubombiwa ndili?
2025: Chobeluka, Epulelo 12
2026: Kinaye, Epulelo 2
Lumo Mubaghile Ukulonda Ukumanya Isya Nkhani iyi
UKUKUMBUKILA
Ukukumbukila Inifwa ya Yesu
Tukubasuma ukuti tusaye pampene pisiku ili tukwisa pakukumbukila inifwa ya Yesu ukufwana na muno umwene ayobile. Manyila muno inifwa ya Yesu yakulondiwa ku myinu.
ESSENTIAL BIBLE TEACHINGS
Nongwa Yafiki Yesu Afwile?
Lumo mubaghile ukuti mupilikemo ukuti Yesu afwile panongwa ya butulanongwa bwitu. Loli ngimba bwanaloli ukuti ikemo lya mundu yumoywene libaghile ukubatabula abandu bosa?