Kɨvɨ ndaka̱ʼa̱n ini ja ni ji̱ʼi̱ Jesús
Sábado 12 yo̱o̱ abril kuiya 2025
Ɨn ji̱chi nu̱u̱ kuiya, nda testigo Jeová ka ndutútú-sa tágua ka ndaka̱ʼa̱n ini-sa kɨvɨ ja ni ji̱ʼi̱ Jesús, tanu ni tetiñu-de. Ni kachi-de: “Níní saʼa nda-ro suʼva tágua ndaka̱ʼa̱n ini nda-ro” (Lucas 22:19, TNM).
Ka kána sa-ní kiji-ní nu̱u̱ reunión yaʼa.
Nda tuʼun jikatuʼun nda ñayí
¿Nasaa tiempo de ji̱nu?
Ñati ɨn hora.
¿Ndenu koo discurso?
Kaʼan-ní jín ɨn testigo Jeová nu̱u̱ ndee-ní tágua kuni-ní ndenu ka ndutútú-ji.
¿A jiniñuʼun chunaa-yo tágua kɨ̱vɨ-yo?
Nduu.
¿A ka jikan xu̱ʼún?
Nduu.
¿Na saʼma kuʼun-yo?
Kuu kuʼun-ní vaʼani̱ na saʼma nevaʼa-ní, de nda-sa ja ka kuu-sa testigo Jeová ka chuʼun ini-sa ka kuʼun-sa saʼma ja náʼán vaʼa ji saʼma iyo ndoo, tanu kachi Biblia (1 Timoteo 2:9). Nduu jiniñuʼun ja kuʼun-yo saʼma ja ya̱ʼvi tuni ndee.
¿Naguá ka saʼa nda-sa nu̱u̱ Kɨvɨ ndaka̱ʼa̱n ini ja ni ji̱ʼi̱ Jesús?
Ta kejaʼa reunión, ka jíta-sa ɨn yaa̱ de ɨn testigo Jeová saʼa-de ɨn sáʼan. Ñukua de kejaʼa ɨn discurso, ja steʼen ja kachi nu̱u̱ Biblia, ja xnúku̱ʼun ini-yo ja ɨn ja kánuu tuni kuu ja ni ji̱ʼi̱ Jesús de na ja vaʼa níʼin nda-yo sɨkɨ ja ni ka saʼa Yandios ji Cristo. Ja, sándiʼi, ka jíta tuku-sa inka yaa̱ de jinú jín inka sáʼan.
Nú kúni-ni kuni ka-ní, ka’vi-ní artículo “¿Por qué los testigos de Jehová celebran la Cena del Señor de forma diferente a otras religiones?”.
¿Na kɨvɨ ndaka̱ʼa̱n ini ja ni ji̱ʼi̱ Jesús nda uu kuiya ichi nu̱u̱ ka?
2025: kɨvɨ sábado 12 yo̱o̱ abril.
2026: kɨvɨ jueves 2 yo̱o̱ abril.
Puede que también le interese
CONMEMORACIÓN
Ná ndaka̱’a̱n ini-yo ja ni ji̱ʼi̱ Jesús
Ka kána sa-ní tágua ndutútú-ní jín nda sa̱án kɨvɨ kánuu ya’a. kutu’va-ní na̱sa ku̱ú chindee nu̱u̱ maa-ní na̱sa ni ndee Jesús ji ja ni ji̱ʼi̱-de.
ESSENTIAL BIBLE TEACHINGS
¿Nakú ni ji̱ʼi̱ Jesús?
Sanaa jíni̱-ní ja Jesús ni ji̱ʼi̱-de ja sɨkɨ kuachi-yo. ¿De a nda̱a̱ ja sɨkɨ ja ni ji̱ʼi̱ ɨn matu’un ni ñayí ku̱ú kaku ndɨ’ɨ ka ñayí?