တၢ်ရဲၣ်တၢ်ကျဲၤအံၤ ကယံာ်ထဲလဲၣ်.

ကယံာ်ထဲ တနၣ်ရံၣ်.

ပှၤကမၤအီၤလၢ တၢ်လီၢ်ဖဲလဲၣ်.

ပှၤကမၤဝဲ ဖဲလဲၣ်န့ၣ်​ နကသ့ၣ်ညါ တၢ်လီၢ်တၢ်ကျဲအဂီၢ် ဆဲးကျိးဒီး ယဟိဝၤပှၤအုၣ်အသး တဂၤဂၤ.‏

ပှၤမ့ၢ်ဟဲထီၣ်န့ၣ်​ ပှၤကဘၣ်ဟ့ၣ်စ့ဧါ.

တလိၣ်ဟ့ၣ်ဘၣ်.

ပှၤထၢတၢ်မၤဘူၣ်ဧါ.

တထၢဘၣ်.‏

ဘၣ်ဟဲသီး တၢ်ကူတၢ်ကၤ လီၤလီၤဆီဆီဧါ.

နကဟဲထီၣ်​ တၢ်အိၣ်ဖှိၣ်တဖၣ်အံၤအဂီၢ် တလိၣ်လၢ နကဘၣ်သီး တၢ်ကူတၢ်ကၤ လီၤလီၤဆီဆီဘၣ်. ယဟိဝၤပှၤအုၣ်အသးတဖၣ်​ မၤထွဲဝဲ လံာ်စီဆှံအတၢ်သိၣ်တၢ်သီလၢ ဘၣ်ဃးဒီး တၢ်ကူတၢ်ကၤလၢ အဖျါသညူးသပှၢ် ဒီးအလီၤပာ်ကဲ. (၁ တံၤမသ့း ၂:၉) အဃိ ဖဲနဟဲထီၣ်တၢ်အိၣ်ဖှိၣ်အခါ နသီးတၢ်ကူတၢ်ကၤ ယိယိဖိသ့ ဒီးတလိၣ်လၢ အပှ့ၤဒိၣ်ဘၣ်.

ဖဲတၢ်သ့ၣ်နီၣ်ထီၣ်က့ၤအမူးန့ၣ်​ ပှၤမၤမနုၤလဲၣ်.

ပစးထီၣ်တၢ်အိၣ်ဖှိၣ်အံၤလၢ တၢ်သးဝံၣ်ဒီးတၢ်ထုကဖၣ်​ ဒီးပမၤကတၢၢ်အီၤလၢ တၢ်သးဝံၣ်ဒီးတၢ်ထုကဖၣ်. တၢ်အရ့ဒိၣ်ဒိၣ်မးတခါလၢ တၢ်သ့ၣ်နီၣ်ထီၣ်က့ၤအမူးအံၤအပူၤန့ၣ်​ မ့ၢ်ဝဲ တၢ်စံၣ်တဲၤတဲလီၤတၢ်. ဒီးလၢတၢ်စံၣ်တဲၤတဲလီၤတၢ်အံၤန့ၣ်​ ပကနၢ်ဟူဘၣ်​ ယ့ၣ်ၡူးအတၢ်သံန့ၣ်​ မ့ၢ်တၢ်လၢအရ့ဒိၣ်ထဲလဲၣ်​ ဒီးဒ်သိးပကဒိးန့ၢ်ဘၣ်အဘျုးလၢ တၢ်လၢကစၢ်ယွၤ ဒီးယ့ၣ်ၡူးခရံာ်မၤန့ၢ်ပှၤအဂီၢ် ပကဘၣ်မၤတၢ်မနုၤလဲၣ်.

ဒ်သိး နကသ့ၣ်ညါအါထီၣ်တၢ်ဂ့ၢ်အဂီၢ် ကွၢ်လၢ “ယဟိဝၤပှၤအုၣ်အသးတဖၣ်​ မၤဝဲကစၢ်အတၢ်အီၣ်လၢ ဟါအီၣ်န့ၣ်​ ဘၣ်မနုၤအဃိ လီၤဆီလိာ်အသးဒီး တၢ်ဘူၣ်တၢ်ဘါလၢ အဂၤတဖၣ်လဲၣ်.”

ပှၤကမၤ တၢ်သ့ၣ်နီၣ်ထီၣ်က့ၤအမူး လၢအခါဖဲလဲၣ်​

၂၀၂၅– မုၢ်ဃုနံၤ, လါအ့ဖြ့ၣ်​ ၁၂

၂၀၂၆– မုၢ်လွံၢ်နံၤ, လါအ့ဖြ့ၣ်​ ၂