Kivuluko kya Lufu lwa kwa Yesu
Kikelako pa Kibelushi pa 12 April, 2025
Pa mwaka pa mwaka, Bakamonyi ba kwa Yehoba bavuluka lufu lwa kwa Yesu byonkatu mwine byo akambizhe’mba: “Saka muba kino mu kumvuluka.”—Luka 22:19.
Tubena kwimwita kwiya na kutanwako.
Mepuzho Epuzha Bantu Javula
Kuno kupwila kwikala kwa maola anga?
Kusendatu jiola jimo.
Kuno kupwila kukekela kwepi?
Ipuzhai Bakamonyi ba kwa Yehoba kwimubuula kukekela kuno kupwila.
Nanchi kwikala kupana mali pa kuba’mba muntu ataanweko nyi?
Ine.
Bapishamo nsanyi ya kubikamo mali nyi?
Ine.
Nanchi kuji mutundu wa mvwajilo ikebewa nyi?
Ku kuno kupwila kechi kujipo mutundu wa mvwajilo ikebewa ne, Nangwa byonkabyo, Bakamonyi ba kwa Yehoba balondela byaamba Baibolo pa mvwajilo yawama kabiji imwesha mushingi. (1 Timoti 2:9) Onkao mambo, bivwalo byenu kechi byafwainwa kwikala bya mutengo mukatampe ne.
Ñanyi bintu bikobiwa pa Kivuluko?
Kuno kupwila kutendeka na lwimbo kabiji pa kupwisha Kamonyi wa kwa Yehoba ulomba. Mu jashi ja Kivuluko bamba bingi pa buneme bwa lufu lwa kwa Yesu ne pa bintu byawama byo twakonsha kumwenemo mu bitubila Lesa ne Kilishitu.
Pa kuba’mba muyukilepo bikwabo, monai kibaaba kiji na mutwe wa kuba’mba “Mambo ka Bakamonyi ba kwa Yehoba o Bekela na Kijiilo kya Nkambo kya Mabanga mu Jishinda Japusanako na Bupopweshi Bukwabo?”
Ñanyi kimye kikekalako Kivuluko kikwabo?
2025: Pa Kibelushi pa 12 April
2026: Pa Kina pa 2 April
Mwakonsha Kutemwa
KIVULUKO
Kuvuluka Lufu lwa kwa Yesu
Tubena kumwita kwiya na kupwila pamo ne atweba pa jino juba janema byo tukavulukanga lufu lwa kwa Yesu kwesakana na byo akambizhe. Fundai byo mwakonsha kumwenamo mu bwikalo bwa kwa Yesu ne lufu lwanji.
ESSENTIAL BIBLE TEACHINGS
Mambo ka Yesu o Afwijile?
Baibolo umwesha buneme bwa lufu lwa kwa Yesu. Nanchi lufu lwanji lwaingijile mwingilo wanema nyi?