I Cʼajtesʌntel i chʌmel Jesús
Sábado 12 de abril, 2025
Ti jujumpʼejl jab, jiñi i testigojob Jehová miʼ tempañob i bʌ chaʼan miʼ cʼajtesañob i chʌmel Jesús cheʼʌch bajcheʼ tsiʼ yʌlʌ: «Chʌn melela iliyi chaʼan mi laʼ cʼajtesañon» (Lucas 22:19).
Mic pʌyet lojon ti ili tempa bʌ.
Cʼajtiya tac muʼ bʌ i ñumen mejlel
¿Bajcheʼ cʼamel miʼ jalʼan?
Lʌcʼʌ cheʼ bʌ jumpʼejl hora.
¿Baqui mi caj i mejlel?
Pejcan juntiquil i testigo Jehová chaʼan maʼ ñaʼtan baqui miʼ cajel.
¿Tojbil ba chaʼan mi la cochel?
Maʼañic.
¿Muʼ ba i cʼajtintel taqʼuin?
Maʼañic.
¿Bajcheʼ yilal yom lac pislel?
Jiñʌch bajcheʼ wen maʼ qʼuel, pero jiñi i testigojonbʌlon Jehová mi lon c chaʼlen wersa chaʼan wem bʌ lon c pislel mi lon c lʌp, cheʼ bajcheʼ miʼ yʌl jiñi Biblia (1 Timoteo 2:9). Mach cʼʌñʌlic lets i tojol.
¿Chuqui miʼ mejlel ti jiñi i Cʼajtesʌntel i chʌmel Jesús?
Cheʼ bʌ miʼ tejchel jiñi tempa bʌ, miʼ yujtel cʼay i juntiquil testigo miʼ mel oración. Cheʼ jiñi, miʼ ñusʌntel jumpʼejl discurso muʼ bʌ i subeñonla chucoch ñucʌch i cʼʌjñibal cheʼ tsaʼ chʌmi Jesús yicʼot bajcheʼ miʼ coltañonla jiñi am bʌ i mele Dios yicʼot Cristo ti lac tojlel. Tiʼ yujtibal, miʼ chaʼ ujtel cʼay yicʼot oración.
Mi a womto a ñumen cʌn, pejcan jiñi tema «¿Chucoch jiñi i testigojob Jehová mach cheʼic miʼ cʼajtesañob i chʌmel Jesús cheʼ bajcheʼ yan tac bʌ ñopbalʌl?».
¿Jala mi caj i mejlel jiñi yan tac bʌ I cʼajtesʌntel i chʌmel Jesús?
2025: Sábado 12 de abril.
2026: Jueves 2 de abril.
Miʼ mejlel a qʼuel jaʼel iliyi
I CʼAJTESɅNTEL I CHɅMEL JESÚS
Laʼ laj cʼajtesan i chʌmel Jesús
Mic pʌyet lojon chaʼan maʼ tilel ti ili ñuc bʌ qʼuin. Mi caj a cʌn bajcheʼ miʼ mejlel i coltañet i cuxtʌlel Jesús yicʼot cheʼ tsaʼ chʌmi.
ESSENTIAL BIBLE TEACHINGS
¿Chucoch tsaʼ chʌmi Jesús?
Jiñi Biblia miʼ yʌl chaʼan jiñi i chʌmel Jesús wen ñucʌch i cʼʌjñibal. ¿Am ba i wenlel cheʼ tsaʼ chʌmi?