Piharatengan to Kapatay ni Yis a Saˈopo
2025 Miheca, Saka 4 Folad 12 Romiˈad, Pieneman
Itini paro no kakarayan Misawacayay Tamdaw ni Yihofa to mihecahecaan miharatengay to kinafalah ni Yis to ˈorip saki tamdamdaw. Mitooray cangra to limoˈot ni Yis to nisawawaan mihaen ko demak. Sanay ko sowal ni Yis: ‘Ka padadotoc kamo mihaen to demak a miharateng i takowanan.’—Luka 22:19.
Mitahidang kami tisowanan mirienang toniya mikiriwiˈay a saˈopo.
Marariday Hadaken a Salicay
Hakowa ko kahalafin nora saˈopo?
Maedeng cecay tatokian.
Icowaay kora saˈopo?
Licayen ko i kitiraan no miso a Misawacayay Tamdaw ni Yihofa.
Papayciay han?
Cowa.
Pacieciay to tamdaw pakiyaho han?
Cowa.
O manan ko hacaˈedong?
Soˈliˈlin awaay ko mikiriwiˈay a saali, kawra Misawacayay Tamdaw ni Yihofa mitooray to sowal no Fangcalay Cudad midemak, masinanot a malosimet ko caˈedong. (1 Timoti 2:9) O hacaˈedong cowa ko matekesay, masinanot ngaˈayayto.
Sasamaan ko pisikay tora Saˈopo?
Pisatapangan ato pihererekan nonini a saˈopo raromadiw, aira ko cecay Misawacayay Tamdaw ni Yihofa patado to ˈalomanay mitolon. Aira ko cecay misalalangiay to Fangcalay Cudad a kimad, mitadtad to kapatay ni Yis hano masakalimlaan, ato mikitini nano demak no Kawas aci Kristo, iraay ko maanan a haepoc i kitanan.
Nengnengen ko “O Misawacayay Tamdaw ni Yihofa Samaanay Misikay to ‘Lafi no Tapang?’ Hano Eca ka Lecad to Romaroma a Kiyokay?” (no Kowaping) a lalakaw.
O Piharatengan a Saˈopo aihacowa a misikay?
2025: Saka 4 Folad 12 Romiˈad, Pieneman
2026: Saka 4 Folad 2 Romiˈad, Pisepatan
You May Also Like
ESSENTIAL BIBLE TEACHINGS
Misamaanay Hano Mapatay ci Yis Hani?
Somowalay ko Fangcalay Cudad to masaka limelaan ko nika patay ni Yis. Iraay ko araaw no patay ningra han?