‘Chumayela a mahungu ya manene!’
Gotsovanyano wa Vakustumunyu va Jehovha wa 2024
A ku nghena mahala • A ku mahiwi mihlengo
Timhaka-tshinya
Wazihlanu: U ta wona zvikombiso zvi kombako ku a mahungu ya manene xungetano hi Jesu lomu ka tiIvhangeli hakunene matimu ya lisine ya wutomi gakwe. U ta tiva lezvi a matimu lawa ya Bhibhiliya ma nga hi vhunisako zvona nyamutlha.
Mulongiso: Zvini zvi nga phrofetiwa xungetano hi kupswaliwa ka Jesu ni wun’wanana gakwe, kona a zviphrofeto lezvo zvi tatisekile hakunene?
Sonto: Ka kanelo yi seketelwako ka Bhibhiliya ya ku “Hikuyini hi kalako hi nga chavi mahungu yo biha?”, u ta tiva ku hikuyini a vanhu va timiliyoni nyamutlha va nga ni zvigelo zvo tizwa na va tiyile, va nga chavi nchumu hambu lezvi a tiko gi yako gi biha nguvhu.
Drama
Mahungu ya manene xungetano hi Jesu: Vhidhio 1
Kuwonekela ka lisine ka tiko
A cihlamaliso ca kupswaliwa ka Jesu cive cin’we ntsena ca zvihlamaliso zvo tala zva lisima zvi mahekileko wun’wananeni gakwe. I no hlotiwa hi hosi ya mudayi niku i no gumesa a tekiwa aya Gibhite. Hi ndzhako ka cikhati, i no hlamalisa vagondzisi va hombe va masikwini yakwe. Wona matimu lawa ni man’wani ma kombisiwako ka vhidhio ya zvipandze zvimbiri ya Wazihlanu ni Mulongiso.
Sixtira a tivhidhio ti landzelako ti wulawulako hi gotsovanyano wa lembe legi
Zvini zvi mahiwako ka migotsovanyano ya hina?
Wona lezvi u nga ti buzako hi zvona ka gotsovanyano wa Vakustumunyu va Jehovha.
Gotsovanyano wa Vakustumunyu va Jehovha wa 2024: ‘Chumayela a mahungu ya manene!’
Wona masemanyana ya programa ya gotsovanyano wa lembe legi.
Masemanyana ya Drama: Mahungu ya manene xungetano hi Jesu
A votala va zvi tiva khwatsi a zvihlamaliso zva kupswaliwa ka Jesu. Kanilezvi zvini zvi nga maheka mahlweni ni ndzhako ka zvilo lezvo zvo hlamalisa?