¡Nawisabo echi raʼíchali aʼláala!
Napawíliwami japi niwá echi testigo Jeobá 2024
Ke bujéliwa moʼíachi • Tasi bilé simírima táami winomí
Japi kipúparé we natéami nímaré
Viernes: Ami binema jaré namuti jitra japi néwariwéliti japi echi Evangelios ne bichíwali aní japalí ruyé chúriká biteili Jesús. Ayénachó ami binema chúsiá japi aní echoná Evangelios tamó iʼwiri jipi.
Sábado: ¿Piri profecías ikili japalí Jesús ranarúami nili alí japalí taa towí nili? ¿Achi ne bichíwali echi riká ikili?
Oméachi: Millones pagótami jipi rawé ke majaa nili alí ke bi nata echi namuti chati japi ikí jenaʼí wichimóbachi, ¿chúsiá? Jiti mi machimea, kipú echi nawésali riwéami “Ke ti majaa tákoré ti kipú japi cha ikísimi”.
Video japi wilí rojorá
Echi raʼíchali aʼláala Jesús jitra: Episodio 1
Echi luz ne bichíwali japi rajé jenaʼí
Jesús ko ranarúami nili bilé milagro jitra. Echalí jonsa alí japalí ochérili ikili jarecho namuti. Jiti bilé silíami Jesús miʼlinaili, echi ko torúami nili echomí Egipto. Ma jaré bamíali simírisa, echi binériami japi echalí niruili ke mayeli japi Jesús wiká namuti machili. Jepuná mi inema alí wiká jarecho si namuti echi okuá partes jena episodio, japi machínima viernes alí sábado.
Iné jenaʼí jarecho videos echi waʼlú napawíliwami jitra japi ta olabo na bamíali:
¿Piri nokiwá echoná waʼlú napawíliwachi?
Iné chúriká ju napawía echoná waʼlú napawíliwachi japi niwá echi testigo Jeobá.
Napawíliwami japi niwá echi testigo Jeobá 2024: “¡Nawisabo echi raʼíchali aʼláala!”.
Iné japi mi binema echoná napawíliwachi na bamíali.
Japi mi inema echoná video: “Echi raʼíchali aʼláala Jesús jitra”.
Wiká pagótami machí japalí Jesús ranarúami nili. Nalí, ¿piri namuti ikili bachá kecho bijí ranarúami niya alí pe aminana japalí ma ranarúami nili?