“Acúysh predícaj huillanasta!”
Atun tantacuna Jehóvap Testigusninmanta 2024 huatamanta
Yaycunqui mana pagaracus mana ckoshcketa mañacun
Ama ckonckaychu ʼriyta
Viernes. Ckáaj ʼrinqui pruebas imaina nincu evangelius Jíshup causayninmanta ciertus y confiables casckancunata. Apréndej ʼrinqui cá relatus Bibliamanta ímaj ancha valejcuna cancu nockáyshpaj cá tiempupi.
Sábadu. ¿Ima profecía Bibliamanta ʼriman Jishupa nacimientunmanta y huahuita captin, cumplicorancu cá profecías?
Domingu. Ancha ashca persunas segurus tiancu amapas cá mundu sajrayas ʼriyta ckaancu ñauckeman confiansáyoj allichácoj ʼrisckanta, ¿ímaj? Yachanayquípaj uyáriy discursu Bibliamanta «Sajras huillanas mana manchachiaycu».
Suj vidiu ckaáypaj y uyaríypaj
Alli huillanas Jishumanta: huámaj parte
Ciertunpitáp múndup canchajnin
Chaymanta milagru Jíshup nacimientunmanta suj huahuita cas ckallarerancu sucedepuyta ancha imastis ancha valejcuna causayninpi. Suj rey mana huanchinánpaj, pusarancu Egiptuman. Sujcuna huatas crusaptin, sackecora simis quicharisckas ckarista ancha yachajcunata chá tiempusmanta. Ckáaj ʼrinqui cayta y astaanpas cá íshckay partespi cá vidiumanta viernes y sabadupi.
Ckáay sujcuna vidius atun tantacunamanta cá huatamanta
¿Imaina cancu atun tantacunasniycu?
Ckáay imainásh can tiayta suj atun tantacunapi Jehóvap Testigusninmanta.
Atun tantacuna Jehóvap testigusninmanta 2024 huatapi: «¡Acúysh predícaj alli huillanasta!»
Ckáay suj pedacitu programa atun tantacunamanta cá huatamanta.
Suj pedacitu videumanta: Alli huillanas Jishumanta
Jishupa nacimientun ancha ‘rejsiscka can. ¿Ima imastis pasara manáraj chá milagru pasaptin y chaymanta?