“Ghwoghwo Iyẹnrẹn Esiri na!”
Omẹvwa Ẹkwotọre Iseri Jehova Ọrẹ 2024
Omẹvwa na ọphẹ • A vwa kpare ọsete-e
Ẹzẹkoko Ẹkwaphiẹrhotọre na
Fraide: Djokarhọ oborẹ o djephia taghene iyẹnrẹn esiri ra nẹ kpahen i Jesu uvuẹn ọbe i Matthew, Mark, Luke ọrhẹ John i dabu gba. Yono kpahen oborẹ iyẹnrẹn i Baibol enana, ine ru rhua erere vwe ọwan inyenana.
Satọde: Aruẹmẹrẹn ego ya mẹrẹn rhotọre kpahen ekete re ne vwiẹ i Jesu ọrhẹ oborẹ ono nyerẹn akpọ ye lele ọke emọvwerhe, aruẹmẹrẹn erana i ghini te orugba?
Sọnde: Uvuẹn ẹmro na ra bọn kpahen i Baibol “Oborẹ Ọsoriẹ Ọwan i Vwa Zofẹn Erharhere Iyẹnrẹn,” yono kpahen oborẹ ọsoriẹ ihworho buebun inyenana e vwo ẹhẹn ro totọre ọrhẹ imwẹro kpahen obaro na dedevwo erhirhiẹ akpọ na o biomẹrhọ biomẹrhọ.
Iruẹn Udje
Ikuegbe Owian Aghwoghwo i Jesu: Oghọn Ọrukaro
Obọdẹn Ukpẹ Ọrẹ Akpọ na
Oborẹ e vwiẹ i Jesu lele, ghwai owu usuẹn ekwakwa igbevwunu buebun ri phiare ọke rọ ha ọmọvwerhe. Orodje owu ọ guọliẹ kpe, fọkiẹ ọrana, na kpareriẹ zẹ riẹ Egypt. Ọke oru, no ruẹ oborẹ o gbe iyono ri maido uvuẹn ọke ọnẹyen unu. Riamerhen oghọn ọnana ọrhẹ erọrọ uvuẹn obọrẹ ukaro ọrhẹ ọreva iruẹn udje ra na haphia i Fraide ọrhẹ Satọde.
Ni ividio enana kpahen omẹvwa ẹgbukpe ọnana
Me Ọye Ruẹ Uvuẹn Emẹvwa Ame?
Yono kpahen oborẹ wu na sabu fiẹrorhọ wu rhe riẹ omẹvwa Iseri Jehova.
Omẹvwa Ẹkwotọre Iseri Jehova Ọrẹ 2024: “Ghwoghwo Iyẹnrẹn Esiri na!”
Ni ẹzẹkoko ẹkwaphiẹrhotọre omẹvwa ẹgbukpe ọnana.
Ekete Ezẹko Vwọye uvuẹn iruẹn Udje na: Ikuegbe Owian Aghwoghwo i Jesu
Ihworho buebun i rheri taghene e vwiẹ i Jesu izede igbevwunu. Ọrẹn, ekwakwa ego yi phiare bọmọke e ki vwiẹ ye ọrhẹ ọke re vwiẹ ye hin?