“စံၣ်တဲၤတဲလီၤ တၢ်သးခုကစီၣ်”
၂၀၂၄ ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်ဖးဒိၣ်
ပှၤဟဲထီၣ်သ့ ကိးဂၤဒဲးလီၤ • ပှၤတထၢတၢ်မၤဘူၣ်ဘၣ်
တၢ်ရဲၣ်တၢ်ကျဲၤလၢ သၢသီအတီၢ်ပူၤ
မုၢ်ယဲၢ်နံၤ– ဆိကမိၣ်ကွၢ် တၢ်အုၣ်အသး လၢအပာ်ဖျါထီၣ်ဝဲလၢ ယ့ၣ်ၡူးအဂ့ၢ်လၢ လံာ်တၢ်သးခုကစီၣ်တဖၣ်အပူၤန့ၣ် အကဲတၢ်ဂ့ၢ်နီၢ်ကီၢ်. ဒီးနကနၢ်ဟူဘၣ် ဘၣ်ဃးဒီး တၢ်ဂ့ၢ်တဖၣ်အံၤ ကကဲဘျုးလၢနဂီၢ် လၢဆၢကတီၢ်ခဲအံၤဒ်လဲၣ်.
မုၢ်ဃုနံၤ– ဘၣ်ဃးဒီး ယ့ၣ်ၡူးအိၣ်ဖျဲၣ် ဒီးအနီၢ်ဆံးခါအဂ့ၢ်န့ၣ် ဝံတဲဆိပာ်စၢၤဝဲဒ်လဲၣ်. တၢ်လၢဝံတဲဆိပာ်စၢၤဝဲတဖၣ် အဟဲလၢထီၣ်ပှဲၤအနီၢ်ကီၢ်ဧါ.
မုၢ်အိၣ်ဘှံးနံၤ– ပကနၢ်ဟူဘၣ် တၢ်စံၣ်တဲၤတဲလီၤတၢ် လၢအဒိးသန့ၤထီၣ်အသးလၢ လံာ်စီဆှံ. တၢ်စံၣ်တဲၤတဲလီၤ အခိၣ်တီမ့ၢ်ဝဲ “ဘၣ်မနုၤအဃိ ပတကြၢးပျံၤတၢ်ကစီၣ်လၢ အလီၤပျံၤတဖၣ်ဘၣ်လဲၣ်.” ပကသ့ၣ်ညါဘၣ်လၢ ဟီၣ်ခိၣ်တၢ်အိၣ်သးတဖၣ် နးထီၣ်ဝဲသနာ်က့ ပှၤလၢအကကွဲၢ်တဖၣ်န့ၣ် ဘၣ်မနုၤအဃိ အဝဲသ့ၣ် တပျံၤတၢ်ဒိၣ်တလၢ ဒီးတဘၣ်ယိၣ်တၢ် ဒိၣ်တလၢဘၣ်လဲၣ်.
တၢ်ဒုးနဲၣ်တၢ်ဂီၤမူ
တၢ်သးခုကစီၣ်လၢ အဟဲလၢယ့ၣ်ၡူးအအိၣ်– တၢ်ဂီၤမူပိာ်ထွဲ ၁
ဟီၣ်ခိၣ် အတၢ်ကပီၤနီၢ်ကီၢ်
ယ့ၣ်ၡူးဟဲအိၣ်ဖျဲၣ်ထီၣ်လၢ တၢ်လီၤလးအပူၤ. ဒီးဖဲအနီၢ်ဆံးခါန့ၣ် တၢ်ကဲထီၣ်အသး အိၣ်ဝဲအါမး. စီၤပၤတဂၤ လူၤဃုမၤသံအီၤ ဒီးယ့ၣ်ၡူးအမိအပါ လဲၤကိးအီၤလၢ ကီၢ်အဲၤကူပတူး. လၢခံန့ၣ် တၢ်ဘူၣ်တၢ်ဘါ ခိၣ်နၢ်တဖၣ် ကမၢကမၣ်လၢ ယ့ၣ်ၡူးအဃိ. ဖဲမုၢ်ယဲၢ်နံၤ ဒီးမုၢ်ဃုနံၤန့ၣ် ပကကွၢ်ဘၣ် တၢ်ဂီၤမူပိာ်ထွဲ ခံကူာ်လၢ အပာ်ဖျါထီၣ်ဝဲ တၢ်ဂ့ၢ်တဖၣ်အံၤ ဒီးတၢ်ဂ့ၢ်အဂၤတဖၣ်.
ကွၢ် တၢ်ဂီၤမူတဖၣ်အံၤ လၢအဘၣ်ဃးဒီး တနံၣ်ညါအံၤ တၢ်အိၣ်ဖှိၣ်ဖးဒိၣ်
လၢပတၢ်အိၣ်ဖှိၣ်ဖးဒိၣ်တဖၣ်န့ၣ် ပှၤမၤတၢ်မနုၤလဲၣ်
ဃုသ့ၣ်ညါဘၣ်ဃးဒီး လၢယဟိဝၤပှၤအုၣ်အသးတဖၣ် အတၢ်အိၣ်ဖှိၣ်ဖးဒိၣ်န့ၣ် ပှၤမၤမနုၤလဲၣ်.
၂၀၂၄ ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်ဖးဒိၣ်– “စံၣ်တဲၤတဲလီၤ တၢ်သးခုကစီၣ်”
ကွၢ်တၢ်ဂ့ၢ်တနီၤလၢ ပကနၢ်ဟူဘၣ်အီၤလၢ တၢ်အိၣ်ဖှိၣ်ဖးဒိၣ်အံၤအပူၤ.
တၢ်ဂီၤမူအဒိဖုၣ်ကိာ်– တၢ်သးခုကစီၣ်လၢ အဟဲလၢယ့ၣ်ၡူးအအိၣ်
ပှၤအါဂၤန့ၣ် သ့ၣ်ညါဝဲ တၢ်ဂ့ၢ်ဘၣ်ဃးဒီး ယ့ၣ်ၡူးဟဲအိၣ်ဖျဲၣ်ထီၣ်အဂ့ၢ်. ဘၣ်ဆၣ် တချုးလၢ ယ့ၣ်ၡူးအိၣ်ဖျဲၣ်ထီၣ်ဒံးဘၣ် ဒီးအအိၣ်ဖျဲၣ်ထီၣ်ဝံၤအလီၢ်ခံ တၢ်မနုၤကဲထီၣ်အသးလဲၣ်.