Makapa-interes ira nga Parte na Programa

Biernes: Ammuan i ebidensia nga mamakurug nga i mapia nga dumug nga mabibbig ta Evanghelio ay fustu nga rekord meyannung ta pattolay ni Jesus. Gigiammuan nu kunnasi makoffun nittam sangawe yatun ira nga rekord na Biblia.

Sabadu: Anni ira i neprofesiya meyannung ta nikeyana anna ta kabbing ni Jesus, anna talaga kari nga natuppal yatun ira nga profesiya?

Liggu: Ta nebase-Biblia nga palappa nga nateman tu “Nu Ngatta Ariattam Ikassing i Marake nga Balita,” magigiammu tam nu ngatta minillion nga totolay sangawe i memammo anna positibo lagapa maski mas marrake i paddia-paddian na mundo.

Drama

I milagro nga nikeyana ni Jesus ay tadday laman ta aru paga nga makapa-interes nga nesimmu ta kabbinna. Ikaya yayya ipapatay na tadday nga marake nga patul, yari tu niyangay yayya na magana na ta Ehipto. Turi ziminakal yayya, nappabbaw nisa i malalaki ira nga mestru ta katiempo na. Girawan yatun ira nga eksena sonu Biernes anna Sabadu ta episode nga egga i dua nga parte na.

Girawammu i tumunug ira nga video meyannung ta kombension taw nga dagun

Anni i Mesissimmu ta Kombensiommi Ira?

Ammuan nu anni i mesissimmu ta kombension na Saksi ira ni Jehova.

2024 Kombension na Saksi ira ni Jehova: Ilayyagayya i Mapia nga Dumug!

Innan i magigiammu tam ta kombension taw nga dagun.

Preview na Drama: I Mapia nga Dumug Segun Kani Jesus

Aru i makannammu ta milagro nga nikeyana ni Jesus. Ngem anni i nesimmu nige anna kabalin natun?