¡Ani kukwe kwin ye driere!
Gätä kri nitre testiko Jehovakwe 2024
Ütiä kärä ñaka • Ngwian ükakrö ñaka
Ñan juan ja bäre
Viernes. Kukwe nieta Jesubätä ye namani bare metre aune tö ngwan raba ie ye kukwe keta kabre tä bämike rabai gare mäi. Kukwe nieta Bibliabätä ye ñobätä ütiäte ni kräke nengwane ye rabai gare mäi.
Sábado. ¿Jesús däredi aune täi monsore yebätä profecía meden niebare? ¿Profecía ye namani bare?
Domingo. Nitre kwati töita jäme aune kukwe kite nakainkä bäri krubäte käbiti tibien yebiti ta, nitre ye tä tö ngwen kukwe käin ie, ¿se ñobätä? Mikakäre gare jai kukwe kädriei ni jökrä kräke “Kukwe blo nieta nie ye ñan ni ngwen nikenkä” ye mäkwe kukwe nua.
Drama mikai tuare
Jesukwe nünanbare aune diribare ño: Episodio 1
Käträ erametre kä nebätä
Jesús därebare aune kukwe mada ütiäte namani bare jatäri nämene ngäbäkrere ngwane. Rei käme käkwe ñan murie ketadre yekäre, jänikani Egipto. Kä nikani ta ye bitikäre, nitre dirikä krikri niara näire ye töi mikani ñan krütare kwe. Kukwe ye aune kukwe mada rabai gare mäi episodio ketebu yebätä, ye mikai tuare vierninte aune sabadote.
Video jatäri gätä kri kä nete kräke mike ñärärä:
¿Gätä kri regional ye nuainta ño?
Gätä kri regional nitre testiko Jehovakwe ye nuainta ño ye mäkwe mika gare jai.
Gätä kri nitre Testiko Jehovakwe 2024: “¡Ani kukwe kwin ye driere!”.
Video oto chi gätä kri kä nete yebätä mike ñärärä.
Drama mikata tuare chi: “Jesukwe nünanbare aune diribare ño”.
Jesús därebare ye gare käin nitre ie. ¿Akwa Jesús däredre känenkri aune ye bitikäre dre namani bare?