¡Tap srø wammeran waminchikun!
Jeupawaiwan waminchipelai pøn kualøm nu tuluntsuna putrailø 2024wai
Kepiamikpe anwain kømøn • An tulishimelø køn
Palømø linchuntrik
Viernes. Nepua kusrentrun Mateo, Marcos, Lucas, Juan, Bibliayu pørilø Jesús yu Pirau øsik unikwaimpurap cierton kui. Incha møya namun mantø purukupik kuikwan.
Sábado. ¿Jesús kal-lantrap kuikwaimpurap nø nurap yaimpurappa metrapsrønkutri chi chap eshkaik kø? ¿Øyeek eshkailøpe nepuik kø chinta?
Trualøm. Yu Pirau latrø trømpøik nemisrøp pasrainkucha, ¿yam misakmera chincha tapik puntrai munirap kø? Nepua ashchappe Bibliayukutri wamintikwan mør: “Trømpøik wammørøsrailøpe namun kuarøsrømøntrun”.
Videu Bibliayukutri wesruik
Tap wammørøsrailø Jesús eshkaik: Kapítulo 1
Yu Pirauelayasik cierton tør pilapik lataik køn
Jesús kal-lainukkutri nui øsik uninuk køraimkeiløtø purayaik køn. Nø unøsrø kal-laik køpen, nui møskaløpe nun kuetchimøntrai Egiptømay srua ampik køn. Jesús matsinø-unø misra waminchen, Moisés pørikwan kusrenanøpeløpe kuara asha køtrømisrik køn. Ikpurap katøkanpurappa nepua kusrentrun videuyu kapítulo 1, 2yupa, viernes sábadopa kenamarøp køntrun.
Videusmera ik pilawayasik nu tuluntsuna putramikwaimpurap ash.
¿Namui nu tuluntsuna putraik mailø kø?
Ash Jeupawaiwan waminchipelai nu tuluntsuna putrailøyu truyu chitø marøpelø kuikwan.
Jeupawaiwan waminchipelai pøn kualøm nu tuluntsuna putrailø 2024wai: “¡Tap srø wammeran waminchikun!”
Ik pilape chi kusrentrap kuikwan videun ash.
Videu Bibliayukutri wesruik: “Tap wammørøsrailø Jesús eshkaik”
Jesús kal-laimpurap misakmeran nepua ashipelø køn. Inchentø, ¿kal-lamuatøsrønkutri kal-lainukkutri chi purayaik kera?