‘Ambujolenu Sango Jipema!’
Kukunguluka cha Mambonge cha Yela ja Yehova cha 2024
Chapwa chawana • Keshi kwitaho mbongo
Sango Jilemu
Liamatano: Mukanyingika yikuma yize yinasolola ngwo, sango jipema hakutwala ku mwono wa Yesu mu Evanjelu jili lume jamwenemwene. Mukanyingika nawa chize sango jino ya mu Mbimbiliya mujihasa kutuyukisa musono.
Sambata: Yika uprofeto wambile ha kusemuka cha Yesu ni wanuke wenyi, ni yize yakwashile kumanunuka cha uprofeto wacho?
Liayenga: Pande ja mbunga jinambe ngwo: “Yetu Kutushi Kwivwa Woma wa Sango Jipi,” mujikasolola yize yinakwase atu anji kuhwima mbunge ha yuma yize muyikalingiwa kulutwe, chipwe ngwe hano hashi hananungu ni kupiha.
Chiheho
Sango ja Mulimo wa Yesu: Chihanda 1
Pangu Liamwenemwene Lize Linafupiwa Hano Hashi
Chikomokeso cha kusemuka cha Yesu chapwile chimwe cha ku yikomokeso yalipwila yize yalingiwile kuli iye ku wanuke. Yisemi jenyi yamutwala mu Engitu, hanga alamwine mwono wenyi ku moko ja mwanangana yoze wafupile kumushiha. Kulutwe, yakomwesa alongeshi a shimbi ha matangwa jacho. Mukamona yuma yino yeswe ha chiheho cha yihanda yaali, Liamatano ni lia Sambata.
Tala yinema yinahateho yize yinahanjika hakutwala ku kukunguluka chino
Yika Yakulingiwa ha Kukunguluka Chetu cha Mambonge?
Tala yize yakulingiwa ha kukunguluka cha mambonge cha Yela ja Yehova.
Kukunguluka cha Mambonge cha Yela ja Yehova cha 2024: ‘Ambujolenu Sango Jipema!’
Tala yize mutukalilongesa ha kukunguluka cha mwaka uno.
Kachihanda ka Chiheho: Sango ja Mulimo wa Yesu
Atu anji kananyingika kanawa kusemuka cha Yesu. Mba yuma yika yaliangile kulingiwa muze te kanda achisemuka ni muze te hasemuka kulu?