“A nɩ bia ˈtɩtɩ a -tɩtɩɩ!”
2024 Zoova ˈa Bhlɩnɩwaa a ˈwluyɩbhäyɩbhʋ
-N ˈnaa ˈkä -lu ˈpɛnɩ • Wa ˈnaa -kamö -mä -lu ˈyɩbhänɩ
-A ˈkää ˈylɩmö a dɛsɛkäkïbhïï
ˈYlɩ ngbï ˈwʋ: ˈTɩtɩ a -tɩtɩɩ -yɩ bhïla Zezwii a dɛ, -yɩ -wʋä -mä Biblë ˈmö, -lii -yɩ tula nɩɩ gbëaa yɩ kää ˈmö, mö -a ˈkää ˈylɩmö. Biblë ˈmö a wɛlɩ ˈla, sɛɛ yɩ -kää zɩˈɛ -aa -li a -lii ˈmö, -a yiˈɛ ˈylɩmö.
ˈYlɩ gbʋplʋ ˈwʋ: Sɛɛ wa ˈkää Zezwii gwälɩ, sɛɛ ɔ yuëdɔˈwʋ ˈkää -wʋ, sɛɛ Biblë gbä a-a ɔ yɩ dɔˈwʋ ˈnɩ? -Li ˈla ˈwlʋnɩ ɔ -tiamö ˈyli -a?
ˈDimasɩ ˈwʋ: Pɩwʋ ˈlɛ ˈtɛmanɩ abhlɩ ˈmö ˈyize, -maa ˈsaa kää ˈŋlɩ ˈn nɩkpa a miliɲwɩ a dila zɛmö -wʋä zɩˈɛ -pälɛpälɛ, ˈn wa kɩɛ dlɩ ˈwʋ nɩɩ, zɩkpaa ˈyi nɛnɩmanɩɩ, bhïlabhulu -wʋ -glɛɛ Biblë ˈwʋ, -wʋ nʋä “-Yɩ kää ˈŋlɩ ˈn -aaa ˈtɩtɩzoku a za ŋänɩ,” -wʋ yeaɲɩ kwänɩ nzɩ a ˈkɩ yɩbhlɩnɩ.
Flimö
Sɛɛ Zezwii -sɛɛ Lagɔ ˈa ˈtɩtɩ a -tɩtɩɩ: ˈPɩɔ 1
-Tiamö a lɩlɛ -ɛ ŋlaa nɩkpa ˈwuë ˈwʋ
Zezwii a ˈyuënɔ a -lii -yɩ ˈplɩɛ ˈwʋ, -yɩ glaˈmö -nʋ muu -lɛ sɛɛ wa gwälɔɔ zɩzɛsɛ. ˈBhlɩlowli -ɔ yɩbhä a-a ɔ ˈkɔ ˈlɩbhä ɔ ˈkä ˈku a za, ɔ -lowluwa -ɲɔ yiɛ -mä Ezipötɩ-bhölɩ ˈmö guë ˈmö. Bhla, ˈɔ ˈtɛɲɩ ˈmö a ˈcɩawa ˈkädɩɩ, ɔ -sʋa a-a teɲii zuzu -gömö. -Li ˈla -ɲɛ -lii -mimii a -bɛ ˈsɔ, -a yi ˈylɩ ngbï ˈwʋ -ɲɛ ˈylɩ gbʋplʋ ˈwʋ ˈsɔ ˈylɩmö, -mä flimö ˈmö.
ˈYlʋba ˈlɛ ˈmö a ˈylɩ ta a ˈwluyɩbhäyɩbhʋ, ylɛ wʋ videwi ˈlɛ.
ˈSaa plɩ ɔ -mä -aˈa ˈylɩ ta a ˈwluyɩbhäyɩbhɩ ˈwʋ ˈnɩ?
-N ˈkää -mä Zoova a Bhlɩnɩwa a ˈylɩ ta ˈwluyɩbhäyɩbhʋ ˈwʋ ˈylɩmö, yɩ glaˈmöa -nɩɛ dɛˈɛ.
2024 a Zoova ˈa Bhlɩnɩwaa a ˈwluyɩbhäyɩbhʋ -wʋ nʋä: “A nɩ bia ˈtɩtɩ a -tɩtɩɩ!”
ˈSaa -a ˈkää -mä ˈcɩɛ, ylɛ yɩ ˈpɩɔke.
Flimö a ˈpɩɔke: Sɛɛ Zezwii -sɛɛ Lagɔ ˈa ˈtɩtɩ a -tɩtɩɩ
Nɩkpa a -bɛ -yi sɛ nɩɩ, zɩzɛsɛ wa gwälɩɛ Zezwii. -Maa ˈsaa ˈplɩ ɔ ˈwʋ ˈwë ˈn wa yo ɔ gwälɩ ˈnɩ? ˈN wa gwälɔ ˈwë, ˈsaa ˈplɩ ɔ ˈwʋ ˈnɩ?