Gajmañaaʼ xóó itháan ga̱jma̱a̱ numuu reunión ndrígúxu̱. Atayáʼ náa mina̱a̱ʼ erígá reunión náa mijngii xtaa.

Bi̱ nutaráʼaxu numuu Jeobá nagimbáanʼxu mu mbuyamajkuííxu Dios a̱jma̱ nuthu rí mbá xmáná (Hebreos 10:24, 25). Náa reunión rígi̱, náa ma̱ndoo magún xúgínʼ xa̱bu̱, nunigajmaaxu Biblia ga̱jma̱a̱ ndu̱ya̱a̱xu xú káʼnii gunimbániixu xúgíʼ rígi̱.

Mbaʼa reunión ndrígúxu̱ naguma graxe̱ ga̱jma̱a̱ naxtiʼña̱a̱ náa bi̱ kuwa ikhí ma̱ndoo muriʼña̱a̱. Xúgíʼ nagi̱ʼdu̱u̱ ga̱jma̱a̱ mbá ajmúú ma̱ngaa nutajkháan xúʼko̱ má índo̱ námbá.

Tséyóoʼ manindxa̱ʼ xa̱bi̱i̱ Jeobá mu mi̱dxu̱ʼ ikhí, asndu tsáa ma̱ndoo maʼga̱. Tsextuma rí mata̱ʼa̱ʼ ikhí ga̱jma̱a̱ na̱nguá e̱nda̱ʼa̱ mbújkha̱a̱.