Yaula Bandu Mɛŋgɛlaa a “Tiondoo!”
Yaula naalaŋ kpou, o Baabuiyo choo la tɔlnuŋ ni. A hivi laŋ naŋ hɛnaŋnda o sɔɔŋ maŋgalaŋ niŋ hiouwɔɔ 200 choo, a suɛi maŋgalɛi nda tuula a laba ve niŋ. Yau Bandu Mɛŋgɛlaa cho naa malaa miŋ wa chɔɔ sɔɔŋ Baabuiyo dimi woŋ o peelɔŋndo. O dɛɛniaa waŋnda le ma dɔu laalaŋndo o Chiisu Kiliti niŋ, o Mɛlɛka kɛsi masa wo. O dɛɛniaa vɛlɛ waŋnda kɔltaŋ a yooŋgu kɛndɛ lemasa Mɛlɛkaa. “Tiondoo!” Yauwo hoo chɔm mɛɛ naŋ soliŋ Baabuiyo kpeku le balahawɛila naalaŋ solio yɛ ni. O taŋgul tiindaŋndo o mɛila Mɛlɛkalaŋ niŋ le chieeŋ sɛnɛiyo. Naa wana chioo wa niŋ o kɔl nyuloo niŋ nda.
Chua suɛi maŋgalɛi o kɔfu sɔɔŋ maŋgalaŋ cho woŋ niŋ, okoŋ, ma chuku Nuuviaa le ma che yaulaŋ nda soli laŋ, a mɛɛ nda soli laŋ o suɛi maŋgalɛi keŋ niŋ yɛ.
