“ঈশ্বরগী ৱাহৈ তারগা ঙাকচবা মখোয় অদু য়াইফবনি।”—লূক ১১:২৮, অশেংবা বাইবল।

য়াই, য়ামদ্রবদা মরম অনিদা য়ুমফম ওইরগা:

• ইমুং অমা হায়বসি ঈশ্বরনা হৌদোকপিবনি। বাইবলনা হায়রি মদুদি, ঈশ্বর যেহোবানা অহানবা নুপী-নুপা অদু লুহোংদুনা পুনশীনবিখি। (মৈহৌরোন ২:১৮-২৪) অমরোমদা হায়রগনা ইমুং অমা হায়দুনা লৈরমলিবসি যেহোবানা শেম্বিরম্বদগীনি। মদু করিগী মরু ওইরিবনো?

  খল্লগা য়েংবিয়ু: নহাকনা অহাওবা চাক্লেন অমা চারিঙৈদা মদুগী মচলশিং অদু খঙনিংলবদি কনাদা হংগনি? চাক্লেন অদুবু শেম-শারিবা মীশক অদুদা হংবনা মরম চাবা ওইগনি।

  মতৌ অদুগুমনা, নুংঙাইবা ইমুং অমা ওইননবগী মচলশিং থিদোকনিংলবদি ইমুংগী পুন্সিবু হৌদোকপীবা যেহোবাদগী আশা তৌজবনা অফবা ওইগনি।

• ঈশ্বরনা নহাক্কীদমক খনবি। ইমুংশিংনা মহাক্কী ৱাহৈগী খুৎথাঙদা পীরিবা পাওতাকশিং যেহোবাদগী লৌজবা হায়বসিনা অশিংবা ওইগনি। করি মরমগী? “মরমদি মহাক্না নখোয়গীদমক খনবি।” (১ পিতর ৫:৬, ৭) যেহোবানা নহাক্কী ফনবতা খল্লী অমসুং মহাক্কী পাওতাক মতম পুনমকতা কান্নবা ওই।—পাউরৌ ৩:৫, ৬; যিশাইয়া ৪৮:১৭, ১৮.