Ena ika2 ni Me 2024, e talaca na mataveilewai na Mayskiy District Court of the Kabardino-Balkarian Republic e Rusia, na kisi me baleti Brother Kirill Gushchin. E kaya tale ga na mataveilewai ni sega ni dina na veika e beitaki kina.

1. Me 20, 2020

   Ni vakarau gole o Kirill me lai cakacaka, e sotavi ira na ovisa era vakaiyaragi ra qai vakamatavulo tu. Era vesuki koya, ra qai kauti koya lesu i nona vale. Rau biu kei watina o Svetlana ena dua na rumu ni caka na vaqaqara e nodrau vale. E biuta lo e dua na ovisa na noda ivola vakatabui ena nodrau rumu na veiwatini, kei na dua tale na rumu

2. Epereli 26, 2021

   E dua e katona lo na soqoni ra qai vaqaqai Kirill kina na vakailesilesi. E beitaki ni lagasere, masu qai veivosakitaka tiko na ivakavuvuli vakaivolatabu ena 1 Korinica 13:​8, e kaya: “E sega vakadua ni seavu na loloma.”

3. Epereli 28, 2021

   Beitaki ni daubasulawa. E veilewaitaki o watina ena dua tale na kisi, kei na va na tacida yalewa

4. Me 19, 2021

   Beitaki e dua vei ira na ovisa e vaqaqai Krill, ni dau vakarerei ira na soli ivakadinadina me baleti ira na tacida. E vakarota na iliuliu ni Investigative Department me kau lesu nona kisi me ratou dikeva tale na dauveibeitaki

5. June 7, 2021

   Veilewaitaki tale ena mataveilewai na Mayskiy District Court

Eda nuidei ni o Jiova “e ivakaruru tudei ena gauna ni leqa” vei Kirill, kei ira kece na tacida era vakacacani tiko e Rusia kei Crimea.​—Same 9:9, 10.